Download pdf - Textualscholarship.nl

272 Het Wiesbadense handschrift folio 40ra-40va
3996
4000
4004
4008
4012
4016
4020
4024
4028
maledidere in die ewelike doet daer af vorseit es, menichfuldich sijn,
dat orcont wel de Meester van Sentencien, ende proeft metten woerde
dat onse heere Jhesus Cristus sprect in dewangelie aldus: Int huis mijns
vader sijn vele woningen. Dats te verstane also hi seit: Ghelijc dat in de
helle sijn diverse manieren van tormenten ende van swaren pinen den
quaden, na dat elc in groten zonden, die i meer die andre min, van
eerdrike versceeden es – ende nochtan hebben si daer alle i ghemeen
wrake, dats die ewelike doet entie ewelike pine –, also ghelijc so sijn int
huis gods, dats in hemelrike, diverse manieren van loene, dats van bliscepen,
den zaligen enten goeden, na dat elc in eerdrike wesende deen
meer goeds uut minnen ghewrocht heeft dandre min, ende deen meer
doghens minlike verdragen heeft, dandre min. Ende nochtan so hebben
si alle inden wijngaert ons heeren ghewrocht, dat sijn de ghene die
in doegden volstaen hebben, enen ghemeenen penninc, dats eenen ghemeenen
loen, i ghemeen goet, dats deewelike leven. Want god selve es
de penninc entie loen dies si alle ghebruken sellen, maer onghelijc also
vorseit es. Want ghelijc dat die zalege alsi leven in doegden claerrer es
deen dandre, also sal deen siele meer glorien hebben dan dandre; ende
dat deen lichame vanden saligen clarer sal sijn dan dandre, ende deen
ziele meer glorien sal hebben dan dandre, dat proeven de meesters bi
gheliken vanden sterren. Want gelijc dat deen sterre clarer es dan
dandre, also sal deen lichame clarer sijn dan dandre. Want die | zalichste
ziele sal hebben den claersten lichame, ende dat sal sijn bi dien dat
die zalichste siele alder naest gode sal sijn gheroepen, ende also gode
alder naest sal aenscouwen, so sal de lichame vander salichster ziele
alre claerst sijn.
Dus so hebben alle zalige i ghemeen goet ende i ewich leven dat si alle
aenscouwen, dats gode selve, maer in claerheden scillen si na dat si naest
gode sijn, ende dat comt ute dien dat si in eerdrike wesende meest verdienden.
Maer hoe dat de salige lichamen in hemelrike deen meer claerheden
heeft dandre min so de siele naest gode geroepen word ende also
die glorie naest *aenscouwet, nochtan in bliscepen so sijn de zalige, also
de Meester van Sentencien seit, alle ghelijc, want bi minnen die daer in
elken sal wesen volmaect, so sal elc also zeere verbliden vanden goede
des anders als hi soude ofte hijt in hem selven hadde.
Dus so sijn die bliscepen van hemelrike menichfuldich, also vorseit
40rb
B 3996/7 Joh. 14:2 4014/5 cf. 1 Kor. 15:41 4020/8 Dus so – hadde] cf. Petr. Lomb., Sent., lib. 4, dist.
49, cap. 3 – ed. p. 552, nr. 282
K 4025 aenscauwet] B G 1479, ane staet W
V 3994 vorseit: cf. 3439/3510 4010 vorseit: cf. 3991/7