Download pdf - Textualscholarship.nl

3888
3892
3896
3900
3904
3908
3912
3916
3920
5 Wech van salicheit 269
ghedaen. Maer wie si sijn dien de suffragien vander heiliger kerken entie
sacrificie vander missen, van bedingen ende aelmoesenen in hulpen
ende in verlanissen vanden pinen dien viere staen, dat seit sente
Augustijn, dat sijn alleene die ghone die in dier tijt dat si in eerdrike
leveden dat verdienden dat hem die suffragien vander heiliger kerken
na desen levene soude moghen helpen, ende dat sijn alleene die
zalighe. Also sente Augustijn seit: Eenich staet van levene es in eerdrike
so goet dat hi ne gheenen noet heeft van enigher hulpen na desen levene.
Ende dit sijn de ghene die inden staet van volmaectheden hebben
gheleeft ende nu den loen vander eweliker bliscap van gode hebben
ontfaen. Dese en hebben gheenen noet vander suffragien vander hulpen
vander bede van hem lieden.
Een ander staet van levene es in eerderike so quaet, dat hem gheene
suffragie vander heiliger kerken, noch aelmoesene van vrienden helpen
en mach, ende dit sijn de ghene die in sonden gheleeft hebben ende in
zonden, ja, in hoeftsonden staende, sonder berouwenisse van eerderike
verscheeden sijn.
Maer een derde maniere van levene es in eerdrike wien die suffragien
vander heiliger kerken ende aelmoesene na desen levene helpen
moghen. Ende dit sijn de ghene die niet al volmaectelijc en levenden in
eerdrike, maer al vielen si te eneghen tiden in zonden, van dien zonden
stonden si af eer si van eerdrike verscieden ende bekeerden hem ten
ghelove van Cristus, ende hebben die sacramente | van den ghelove
ende vander heiliger kerken ontfaen, ende als kindere der heiliger kerken
haer penitencie begonsten doen, ende also voert also lange als si leveden
in dat heilighe ghelove van Cristus met werken van minnen hebben
volstaen. Dese moeten, over dat si in eerderike in penitencien niet
volstonden so dat alle die smetten van dien zonden hadden geweest
ghesuvert, also lange in dat vier van purgatorien staen, also vorseit es,
tote al die smetten van dien zonden ghesuvert zijn, eer si sullen mogen
comen vore dat ansichte gods.
Over dese alleene so meent onse moeder die heilige kerke te biddene
die sacrificie vander heiliger missen ende andre offerande ende aelmoesenen,
als over haer kindere ende over de ghene die vanden ghetale
der zaligere sijn, gode te offerne uut minnen, in suffragien ende in
hulpen, om ute diere swarer penitencien te helpen te verlichtene. Also
K 3889 van] B G 1479, om. W
V 3915 vorseit: cf. 3853/61
P 3895 volmaectheden: hs. volmaechtheden
39va