Download pdf - Textualscholarship.nl

268 Het Wiesbadense handschrift folio 39ra-39va
3852
3856
3860
3864
3868
3872
3876
3880
3884
zonden ghelaten ende inden state van penitencien ghetorden zijn, ende
eer de penitencie al voldaen was entie smette vanden zonden vore dat
ansichte gods na der groette vanden zonden ende vander berouwenissen
al ghesuvert was, van eerderike verscieden. Om dier redenen wille
dat vore dat ansichte gods niet onsuvers comen en mach – want also
die meesters segghen, also suver sullen wi moeten sijn eer wi sullen
moghen comen vore dat ansichte gods, als wi waren in dier tijt als wi
inder vonten ghedoept waren, daer wi int ghelove van Cristus van al
onsen zonden ghedweghen waren –, so sullen si also lange in dit vier
van purgatorien moeten staen, tote die penitencie van dien zonden voldaen
si ende die smette van dien sonden na de groette van dien zonden
vore dat ansichte gods al si ghesuvert. Dat alle die smetten vanden zonden
ghesuvert sullen moeten sijn, dat orcont wel een leerare heet Raymundus,
die seghet: God es ontfermich, ende hi es gherechtich.
Ute siere groter ontfermicheit so verlaet hi die zonden al den ghenen
diere berouwenisse af hebben ende hem te penitencien bekeeren,
als in dien dattie peine entie scult vanden zonden die ewich was na die
groette vander berouwenissen keeret in tideliker ende in vergancliker
penitencien.
Ende ute dien dat hi es gherechtich, so en machi die zonden niet laten
onghewroken. Ende daer bi so moet die tidelike penitencie hier of,
so watter ane ghebrect om die smette vanden zonden te zuverne, int
vier van purgatorien dat verganclijc es, worden voldaen. Om dat het al
ghesuvert moet worden so wat onsuver mids sonden worden es, eermen
dat ghebenedide ansichte gods bescouwen mach, al heeftmen die
gratie dat die sonden den mensce leet sijn, so machmen wel merken dat
elken mensce noetsakelijc ware dat | si hem van zonden wachten so si
nerenstelijcsten mochten, dat si penitencie daden so si scerpelijcst
mochten, ende doghen verdroeghen so si alder meest mochten in desen
corten levene: so souden si te min hebben te suverne int vier van
purgatorien eer si comen souden ten eweliken levene.
Vanden suffragien
Also sente Augustijn seit, hens niet te loechenen dat die ziele vanden
ghenen die van eerderike versceeden zijn, uter goetwillichede vanden
ghenen die leven uten viere van purgatorien worden verlicht, *met dat
bi* hem lieden sacrificie, dats te verstane van missen, van bedingen,
gode worden gheoffert ende aelmoesene in de kerke over hem worden
39rb
B 3882/3906 Also sente Augustijn – moghen] cf. Petr. Lomb., Sent., lib. 4, dist. 45, cap. 2 – ed. p. 523-524,
nr. 260
K 3884/5 met dat bi] B G 1479, bi dat hi W