Download pdf - Textualscholarship.nl

3816
3820
3824
3828
3832
3836
3840
3844
3848
5 Wech van salicheit 267
Boven dese stede so es dat derde deel, dat es dat vier van purgatorien.
In dit vier es pine int gevoelen ende scade van datmen daer dat ansichte
gods niet aenscouwen en mach te enigen tiden. Van desen viere
van purgatorien suldi vinden hier na.
Ende boven al desen steden, also Albertus seit, so staet dat vierde
deel der hellen, ende es gheheeten dat voerboech der hellen. Dit was de
stat daer de heilighe vaders vander ouder wet in moesten sijn over de
scult van onsen iersten vader Adame, toter tijt dat Jhesus Cristus, die
ghebenedide gods zone, die scult met siere bitter doet selve gaut, ende
dese saleghe uut dien bande haelde der vianden ende dit deel der hellen
scoerde. Dese stede staet boven den andren vorseit, ende was gheheeten
de scoot van Abrahame, om dat die heilighe vader Abraham
vore die toecomste van Cristus daer in was. Maer nu es die scoet van
Abrahame gheheeten dat hemelrike, om dat Abraham nu daer es. In
dit voerbouch wesende, so hadden die heilige vaders scade van dien dat
si gode niet en mochten aenscouwen binnen dier tijt, maer si en hadden
gheen bevoelen van pinen.
Vanden viere van purgatorien ende vanden suffragien, dats hoe men
den ghenen gehelpen mach die daer in zijn ter cortingen vanden pinen
Hoe datmen niet en weet te noemene die menichfuldichede vanden
viere van purgatorien sonderlinge – want die staen alleene int kennen
van gode, die alleene die groetheit vanden zonden ende vander berouwenissen
kent, want uter groetheit vanden sonden so volgt die groethede
vander pinen uter gherechtichede gods –, nochtan van dier groetheit
van dien pinen vanden viere van purgatorien, so sprect sente
Augustijn aldus: Dat vier van purgatorien, al en es het niet ewich, het
es nochtan so groet dat het gaet boven alle pinen die nie creatueren
dogheden in desen levene, ende boven al den tormenten die oyt martelare[n]
doghede om gods wille inden vleesce. In dit vier van purgatorien
so moeten staen die zielen vanden ghenen, also sente Augustijn
seit, die lichtelike gevallen sijn | in dagheliken sonden ende roekeloes
geweest hebben dit te beterne op eerderike, ende oec die ghene die in
hoeftsonden hebben gheweest ghevallen, maer in desen tide van penitencien
die zonden met berouwenissen hebben beweent ende met warachticheden
hebben belyet, ende met eenen volmaecten meenene niet
meer sonde te doene haer penitencie hebben ontfaen, ende also die
B 3818/9 Ende boven – hellen] cf. CTV, lib. 4, cap. 22 – ed. p. 147
K 3841/2 martelare] B G 1479, martelaren W
V 3822 gaut (gelden): ‘betaalt’
39ra