Download pdf - Textualscholarship.nl

266 Het Wiesbadense handschrift folio 38va-39ra
3780
3784
3788
3792
3796
Ute der eenparegher ghedenckenissen van haren zonden ende ute
dien dat si kennen dat si met rechte dese ewighe pine sullen moeten
doghen sonder enich rusten, so volgt dat si sullen moeten vallen in
eene ewighe seerichede, daer si eenpaerlike in sullen moeten sijn sonder
enich verlaten ende sonder enich solaes. Dits de vijfte pine. Dese v
spruten recht ute der ongheoerdeneertheden vander kennissen of vander
redenen.
Ute der ongeoerdeneertheden vanden wille so spruit dat si sullen
hebben i vernoy van levene, dits de seste.
Nijt te godewaert ende te malcandren waert. Dits de sevende pine.
Ende gramscap, dats versmaethede ende scoffierichede der viande te
hem lieden waert ende die verdoemde te mallicanderen waert. Dits de
achtende pine.
Ende ute der ongheordeneertheden vander memorien, dats ute dien
dat si goeds niet moghen ghedencken maer alleene der zonden die si
hebben vercoren, ende ute dier pinen vanden zonden die si op hem lieden
kennen, so spruit die neghende entie leste pine der verdoemdre na
der sielen, ende dats wanhope van allen goede.
3800
Vander helle ende vanden viere deelen vander hellen int ghemeene
Die helle, also die Meester van Sentencien uten prophete Abacuc
meent te seggene, die staet onder eerderike, dats te verstane int nederste
ende inden afgront van eerderike, als in die stede daer alle vuilhede
entie onsuverhede van eerderike ende van andren elementen te meere
pinen vanden verdoemden dalen sal, also vorseit es. Dese helle es in iiii
ghedeelt, also Albertus bescrijft.
3804 Dierste deel es de helle vanden eweliken verdoemden, daer af dat nu
vore gheseit es. In[t] dit deel so es pine int ghevoelen ende scade in dien
datmen daer nemmermeer dat ansichte gods en mach aenscouwen.
Want also sente Gregorius seit, na den doemsdach en sullen die ver-
3808 maledide die zaleghe niet sien, no gheene zalichede die god es, also wel
vorseit es.
Boven dese helle so es dander deel, dats die stede vanden kinderen
die jonc sterven ende niet ghedoept en sijn. Die hebben scade van dat
3812 si dat ansichte gods nemmer|meer aenscouwen en mogen, maer ne
gheene pine en hebben si int ghevoelen.
38vb
B 3798 plaats uit Petrus Lombardus n.g. 3802/6 Dese helle – aenscouwen] cf. CTV, lib. 4, cap. 22 – ed.
p. 147 3810/6 Boven dese helle – tiden] cf. CTV, lib. 4, cap. 22 – ed. p. 147
K 3805 In] B G 1479, int W
V 3802 vorseit: cf. 3407/10 3805 vore gheseit: cf. 3439/3510 3809 vorseit: cf. 3452/5