Download pdf - Textualscholarship.nl

264 Het Wiesbadense handschrift folio 37vb-38va
3708
3712
3716
3720
3724
3728
3732
3736
3740
also vorseit es.
Ute deser vierder pine so volghet wel die vijfte, dats ute dien dat die
verdoemde kennen dat si te rechte in ewicheden van pinen ewelike
moeten sijn sonder enige ruste eenpaerlike, so vallen si in een ewighe
seerichede daer si eewelike in sullen moeten staen eenpaerlike sonder
enich vertroesten. Van deser eenparegher seerichede | so sprect wel Job
aldus: Opten verdoemden sal vallen alle seerichede, daer hi nemmermeer
af vertroest en sal worden.
Die seste leghet in die ongheordeneerthede vanden wille, want jegen
den wille ende jeghen die gherechticheit gods so sullen si willen niet
sijn, ende in hem hebben vernoy van levene. Hoe dat die verdoemde
dan sullen hebben vernoy van levene, daer af so sprect wel sente Jan in
Apocalipsis: In dien daghe selen si soeken die doet, ende si en selense
niet vinden; si sullen begheren te stervene, entie doet sal vlien van hem
lieden. Want het es wel recht dat die ghene wien god in eerdrike we -
sende deewelike leven presenteerde, ende niet ontfaen en wilden, dat si
in die helle wesende die doet sullen zoeken, ende niet sullen mogen
vinden. Want men ghemeenlike seit: Die niet en wille als hi mach, hine
sal niet moghen als hi gerne soude willen.
Die sevende pine es nijt die si te gode waert ende te mallic andren
waert hebben sullen onderlinge, dits ongeordeneerthede vanden wille.
Hier af sprect de Meester van Sentencien ende seit, dat die verdoemde
gode so haten sullen, dat si sullen willen dat hi niet en ware; ende si
sullen oec andren haten, want daer en sal sijn gheene minne, also vor -
seit es, maer si selen elc andren vloeken ende vermaledien: die vader
sijn kint, om dat hi tsinen behoef dat goet qualic ghecreech dat hi hem
laten wilde; ende dat kint den vader, om dat hi hem dat liet dat het
voert oec qualec onthouden ende beseten heeft.
Die achtende pine es versmaethede ende bescherenthede daerse die
viande mede versmaden ende besceernen sullen, ende die verdoemde
onderlinge hem selven. Dit spruit oec ute der ongheordeneertheden
vanden wille, want ute den ongheordeneerden wille so spruit die nijt,
daer nu af vorseit es, ende uten nide so spruit dese versmaethede ende
dbesceernen dattie vermalendide entie viande onderlinghe hebben. Dit
es die gramscap die si te mallic andren waert hebben entie wrake van
dien nide, want die gramscap en es el niet dan wrake van dien nide, also
vorseit es. Dat onder die verdoemde es die versmaethede ende tbe -
B 3711/2 n.g. 3717/8 Apok. 9:6 3726 plaats uit Petrus Lombardus n.g.
V 3733 bescherenthede: ‘bespotting’; niet in MNW, afgeleid van besceren: ‘bespotten’ 3737 vorseit: cf.
3724/5
38ra