Download pdf - Textualscholarship.nl

262 Het Wiesbadense handschrift folio 37rb-37vb
3636
3640
3644
3648
3652
3656
3660
3664
3668
menichfuldege diverse pinen die de vermalendide sullen moeten dogen
daer teenen gadere. Ende dat sal oec wel recht sijn, want die alsi in eerderike
leveden jeghen gode, haren sceppere, in acoerde waren in sonden
metten vianden, jeghen hem lieden so sullen met rechte alle crea -
tueren in acoerde sijn met haren sceppere, om dat met diversen
tormenten daer met | den vianden te wreken over die sonden. Ende
dese menichfuldeghe pinen sullen moeten doghen die ghene met rechte
die hier haren evenkersten menigherande vernoy ende doghen, in
haer ere of in haer goet of in haren lichame, hebben ghedaen met onrechte.
Van desen menigheranden pinen so sprect sente Gregorius wel
hoe divers dat si sijn ende hoe contrarie aldus: In die helle sal sijn den
verdoemden die doet sonder sterven, dats einde sonder einde, ende alle
ghebrec sonder ghebreken, ende dat, seghet hi, es wel recht dat sine
doet in de helle leve altoes in pinen, wies leven in eerderike altoes doet
was in sonden.
Van ix manieren van pinen na der sielen sonderlinghe
Also int beghinsel van desen boeke ghescreven staet op i, god heeft der
sielen ghegheven iii crachten – dats redene of kennisse, wille of begerte,
memorie of ghedenckenisse – dattie mensce metter redenen tgoede
ende tquade soude kennen, metten wille tgoede soude verkiesen ende
begheren ende tquade vlien, ende uter ghedenckenissen eenpaerlike
tgoede soude minnen. In allen desen iii crachten der zielen so sijn die
vermalendide ghepijnt, want in alle desen crachten en es hem lieden
daer gheene ordenancie, also Job bescrijft. Ende dats hem lieden pine
hebben na der zielen ongheordeneerthede vander redenen
ende vander kennissen, want daer onder de verdoemde sal sijn bedonkerthede
van redene. Want also sente Augustijn seit, daer en sal
gheene minne sijn no kennisse van sinen evenkersten, want die coninghe
entie heeren en selen daer van haren cnapen ghedient niet sijn,
die moeder en sal daer haer kint niet minnen, no dat kint en sal daer
den vader niet eren. Ende aldus en sal daer gheene ordenancie sijn, no
kennisse van redenen, no van enighen goede.
Maer als over dandre pine der verdoemdere na der zielen so sal daer
sijn verghetenisse van alder heiliger scrifture. Want also sente Grego-
B 3654/6 cf. Job 10:22
K 3649 i] .j. W, .iij. B, ij. G, upt eerste capittel 1479 3657/9 ongheordinert – die] B G 1479, om. W
V 3634 want die alsi: ‘want degenen die, toen zij...’
37va