Download pdf - Textualscholarship.nl

3600
3604
3608
3612
3616
3620
3624
3628
3632
5 Wech van salicheit 261
in sinen lichame sonder recht, dat hi gheslegen worde ende anders ghetorment
dat wijst wel recht.
Die sevende maniere van pinen die daer sijn sal, es grote coude. Dit
staet wel beteekent in dewangelie, daer vorseit staet dat in die tormenten
der hellen sal sijn criselinge van tanden ende weeninge van oghen.
Want criselinge van tanden comt uten coude ende weeninge van ogen
comt uten rooke. Dus so scijnt wel dat daer sijn sal grote coude ende
hitte. | Ende dat bescrijft wel Job die seit: Van den oppersten coude
sullen die viande die vermalendide worpen in die upperste hitte. Ende
dat si grote ende onverdrachlike coude sullen moeten dogen ende weeninghe
es wel recht, want die in eerdrike uut vercoutheden van haren
quaden wille *versteeft hebben gheweest om iet goeds te werkene, met
rechte selen si ute dien doghen grote coude inden lichame ende criselen
metten tanden; ende met rechte sullen si daer weeninghe hebben
ewelike die hier in idelheden hebben ghehadt tidelike genoechte. Dit
bescrijft sente Jan in Apocalipsis.
Die achtende maniere van pinen es dat sweert dat se doersniden sal.
Ende dats dat sweert vander sentencien gods, daer af dat god selve
sprect bi sinen prophete Moyses, als vander *wrake daer hi seide aldus:
Mijn sweert sal doersniden haer lieder vleesch. Ende dats wel recht,
want het es dat vonnisse ende dat woerd gods uter ewangelien dat niet
lieghen en mach. Dit slaen metten sweerde dats te verstane met wapenen
of metter tonghen. Also die prophete bescrijft: Die tonge vanden
quaden es ghelijc eenen sweerde, hi sal dorsleghen worden met eenen
sweerde, dats te verstane, niet alleene metten sweerde vander wraken
der werelt, want dier wraken ontgaet hi bi wilen, maer oec metten
sweerde der wraken gods, die niemen en mach ontgaen also vorseit es.
Ende die neghende maniere van pinen die de verdoemde sullen
moeten doghen in de helle na den lichame, es eene vergaderinghe van
menechten ende van diversen contrarien pinen teenengader, ghelijc
datmen siet diverse tempeeste vallen teenengadere van dondre, van
blixeme, van haghele, van snee. Hier af staet bescreven in den zouter
aldus: Dat vier, die haghele, die snee ende dijs ende andre tempeeste
sullen voldoen dat woert vander wraken gods. Hier bi sijn verstaen die
37rb
B 3602/3 Mat. 22:13-14 3606/7 cf. Job 24:7 3613/4 cf. Apok. 18 3618 Deut. 32:42 3621/3 cf. Ps.
63(64):3-4 3631/2 Ps. 148:8
K 3610 versteeft] B G 1479, verscheeft W 3617 wrake] B G 1479, sprake W
V 3602 vorseit: cf. 2808/9, 3586/7 3625 vorseit: cf. 3615/20
P 3629 tempeeste: hs. teempeeste; de tweede e geëxpungeerd.