Download pdf - Textualscholarship.nl

260 Het Wiesbadense handschrift folio 36vb-37rb
3564
3568
3572
3576
3580
3584
3588
3592
3596
dat daer deemsterheden sullen zijn, dat orcont sente Gregorius wel,
die seit: Tvier vander hellen heeft hitte, maer en heeft gheen licht. Dat
die vermalendide in die deemsterheit sullen worden gheworpen, dat es
wel recht, want die in eerdrike uut verblentheden van sinen zonden
ende van tideliken goede der werelt niet en rochte te siene noch te kennene
die waerheit gods, no te ontfane no te levene die heilige gebode
die hi geleert heeft, het es wel recht dat hi in die helle uter kennissen
van sijns selfs zonden dat ewige goet van bliscepen dat god selve is,
niet en sal moghen sien, maer in die uterste deemsterhede, dats, also
Albertus exponeert, in een | eewich beroven der glorien, dats der bliscepen
goeds ende des aenscouwens vanden ghebenendiden aensichte
gods, sal worden geworpen, ghelijc dat [si] bider sentencien van Cris -
tus, den hoghen coninc van glorien, vore gheproeft staet, ende inden
andren boec der biblen biden coninc van Egipten ende sinen volke, die
dat woerd goeds niet ontfaen en wilden, no dat ghebot goeds niet volcomen
en wilden, van gode metter plaghen van deemsterheden die
men tasten mochte iii daghe lanc gheduerende gheplaecht waren, wel
voerteekent staet.
Die vijfte maniere van pinen es die bernende bande daer si in ghebonden
sullen sijn. Dit staet gheproeft in die selve ewangelie, daer
Cris tus, die hoghe coninc van glorien, heet sinen dienres dat si de ghene
die niet verchiert en hebben geweest nu met dogheden hier in eerderike
handen ende voeten te gader ghebonden sullen worpen in die
uterste deemsterhede, daer af vorseit es: Daer sijn sal weeninghe van
oghen ende criselinghe van tanden. Ende dat si daer ghebonden sullen
sijn, dats wel recht, want, also die lerars segghen, die in eerdrike al haer
lede ende hare zinne hadden ghereet ende ontdaen ten sonden, die sullen
met rechte in die ewelike tormente met al haren leden gebonden
sijn in viereghen ketenen.
Die seste maniere[n] van pinen sijn die slaghe die si sullen moeten
ghedogen ende onfaen vanden vreeseliken tormenteers diese in alle
manieren swaerlijc sullen pinen, in wies hande Cristus die verdoemde
ghegheven heeft, also in dewangelie es bescreven. Van desen slagen
sprect die wise man inden persoen vander bekennissen gods: Den lichamen
der dulre sijn bereet die hamere diese slaen sullen, dats den
sondaers, ende dats wel recht. Want die andren slaet ende cracht doet
B 3571/74 also Albertus – geworpen] cf. CTV, lib. 7, cap. 22 – ed. p. 252 3576/80 cf. Ex. 10:21-23
3582/7 cf. Mat. 22:13-14 3595 n.g. 3596/8 Spr. 19:29
K 3574 dat] B G 1479, si add. W 3592 maniere] B G 1479, manieren W
V 3567 rochte: cf. 3425 3586 vorseit: cf. 2808/9
37ra