Download pdf - Textualscholarship.nl

258 Het Wiesbadense handschrift folio 36rb-36vb
3492
3496
3500
3504
3508
3512
3516
3520
3524
over die sonden si ghepijnt. Anderwerf, om dat de ghene die verdoemt
sijn van dien zonden nemmermeer en sullen hebben warachtighe berouwenisse,
daer bi en sal god nemmermeer wederroepen die sentencie
van sinen oerdeele. Dit proeft hi oec bi meer redenen ende bi ghelike
aldus: Bi eenen tidelike cope so ghecrighet men i ewelijc recht van
besittene der dinc diemen cochte, ende bi eenre haestegher quetsueren
so comt de mensche in die langhe doet. Aldus ende bi andren gheliken
so proeft hi dat die zondare over die sonden die tidelijc sijn, sal moeten
doghen pine ende tormenten in die helle die ewich selen sijn.
Ende sestewerf, so es die mensce sculdich te vliene die pine vander
hellen ende te pensene om die menichfuldicheit vanden pinen, beide
inden lichame ende in die ziele, ende vele te meer om dattie lichame
metter sielen sal sijn verdoemt. Hier bi so wete elc dat ix sijn pinen, die
de verdoemde sullen moeten ghedoghen ewelijc in die helle bi rechten
uten vonnisse gods, om dat | si in eerdrike tidelike ghenoechten sochten
ende sonde daden bi haren wille jeghen tgebot gods; inden lichame
ende ix inder sielen, van welken ghi hier nu horen sult. Ende eerst
van den pinen na den lichame, ende daer na van den pinen na der sielen.
Vanden ix manieren van pinen die de verdoemde sullen moeten do -
ghen in de helle, na den lichame sonderlinghe
Also Albertus seit, ghelijc dat in die sondaren sijn versceedene ende
menichfuldeghe manieren van sonden, also sullen in die verdoemde
sijn versceedene manieren van pinen.
Deerste es eenen noet van hongere ende van dorste, die nemmermeer
ghebetert en sal worden. Hier af sprect die prophete Ysayas inden
persoen van gode op die ghene die jeghen den wille van hem sonde
ghedaen hebben ende also sine cnapen niet gheweest en hebben,
aldus: Mine knapen sullen eten ende ghi selt honger hebben; mine cnapen
sullen drinken ende ghi selt dorst hebben. Desen noet van hon -
ghere ende van dorste en sal niet gebluscht worden, also in dewangelie
beteekent staet biden riken, vrecken man die in de tormente vander
hellen was, ende daer hi niet en mochte ghecrigen van gode i dropel
waters ter vercoelten van siere tonghen. Dese pine sullen de verdoemde
in de helle moeten ghedogen met rechte, also sente Gregorius ex-
36va
B 3513/5 Also Albertus – pinen] CTV, lib. 7, cap. 22 – ed. p. 251 3520/1 Jes. 65:13 3523/5 cf. Luc.
16:19-31
K 3508 ix] 1479, om. B G W
V 3525 ter vercoelten: ‘ter verkoeling’