Download pdf - Textualscholarship.nl

3456
3460
3464
3468
3472
3476
3480
3484
3488
5 Wech van salicheit 257
Anderwerf, om dat daer es een ewelijc beroven vanden bescouwene
gods, twelke, also sente Jan Guldemont seit, swaerre es te verdraghene
dan alle die pinen vander hellen. Want al waren dusentich hellen,
sone waren alle die pinen van dien hellen niet so swaer alst es ghevallen
te sine uten aenscouwene vander bliscepen der jegenwoerdichede
gods ende van Cristus ghehaet te sine, ende te horen van hem dat sware
woert der ewangelien: Ic en kenne u niet.
Derdewerf, om dat daer es i vreeselike woninge. Dat bescrijft Job,
die seit dat in dien kerker der hellen en es gheen ordenancie, maer daer
woent eene ewelike vreeselicheit.
Vierdewerf, om dat die vermalendide daer selen moeten sijn onder
de bande vanden vreeseliken vianden ende die sullen moeten sien, entie
vermaledide sullen daer oec, also Ysayas die prophete bescrijft, onderlinge
mallic andren vervaerlic ende vreeselijc sijn taenscouwene.
Want haer lieder aensichten sullen sijn al verbrant ende swert ghelijc
enen potte die verbernt es. Dattie viande daer sijn vreeselijc taenscouwene
dat | proeftmen wel bi gheliken. Want na dat i viant uter hellen
so vreeselijc nu es, die men nochtan niet sien en mach, hoe vervaerlijc
ende hoe vreeselijc sullen si daer sijn sonder ghetal ende daer mense sal
moeten sien in haer propre figure.
Vijftewerf, om dat daer sal sijn eewicheit van pinen. Dit staet wel
gheproeft in dewangelie van sente Matheeuse, daer hi seit: Dijn wedersake
sal di geven inden handen vanden *juge, dats die sonden sullen
di gheven in die hande van sinen dienre, dats
in die hande vanden ingle, entie sal di worpen inden kerker. Ende
voerwaer, ic seg di, daer ute en suldi niet comen tote dier tijt dattu den
utersten vierlinc vander scult van dinen zonden suls hebben vergouden.
Ende dats te verstane also die glose seit: nemmermeer. Want sente
Augustijn seit: Waer mede souden si dan daer die scult ghelden vanden
zonden, die dan daer niet hebben en sullen no stede, no tijt, no
wile van berouwenissen, no van correctien, no van levene? Dus so sal
daer in die helle zijn eewicheit van pinen, ende dat sal zijn, also Albertus
seit, bi vele redenen. Eerst bi dier redenen, om dat die sondare heeft
enen ewighen quaden wille. Want hi wilde wel ewelike in die ghenoechte
vanden zonden liggen, ende daer bi eest recht dat hi ewelike
36rb
B 3462 Mat. 25:12 3464/5 Job 10:22 3468 n.g. 3477/83 cf. Mat. 5:25-26 3487/9 Dus so – redenen]
cf. CTV, lib. 7, cap. 21 – ed. p. 251
K 3478 iuge] B G 1479, ingle W 3479/80 Christus – van] B G 1479, om. W
P 3457 swaerre: hs. sw’rre