Download pdf - Textualscholarship.nl

256 Het Wiesbadense handschrift folio 35vb-36rb
3420
3424
3428
3432
3436
3440
3444
3448
3452
le entie eerde sullen vergaen.
Na dat uterste vonnisse en sal nemmermeer vier van purgatorien
sijn. Want also die Meester van Sentencien seit, het en sullen dan voerdane
maer ii steden sijn: die eene gods die andre des viants, die eene
vanden goeden, die andre vanden quaden, ende in beiden die steden
sullen engle ende menscen sijn. Die goede en sullen niet willen zonde
doen, die quade en sullen niet moghen zonde doen. Ende negheen van
desen beiden en sullen nemmermeer moghen sterven, maer si sullen leven
moeten eewelijc metter sielen ende metten lichame, salichlike in
dat ewelike leven of onsalichlike in die eewelike doet. Ende in beiden
desen steden es deene hoghelikere gheloent dan dandre, of swaerlikere
ghetorment dan dandre, na dat si, in eerderike wesende, deene meer
dogheden ghedaen heeft dan dandre, ofte meer sonden ghedaen heeft
dan dandre, of met penitencien of met doghene meer van sinen zonden
ghesuvert heeft dan dandre. Want also onse heere selve belijd in dewangelie:
Ghelijc dat int huis mijns vader sijn vele woningen, dats int
ewelike leven, dier gelike sijn vele manieren van tormenten in die ewelike
pine. Nochtan sullen si alle die eewelike bliscap besitten of die
ewelike pine moeten ghedogen. Van desen vele manieren van pinen
ende van vele manieren van bliscepen suldi vinden hier na volghende.
Van desen pinen vander hellen, ende waerbi datmense sculdich es te
vliene |
Ghesien vore wattie mensce sculdich es te doene ende wat te latene,
hoe hi uten sonden mach verrisen te gratien, hoe hi sculdich es te levene
ende wat hi sculdich es tontsiene, nu volcht te wetene, also vore
belovet es, wat hi sculdich es te vliene, ende dat sijn die pinen vander
hellen. Want ghelijc dat elc goet mensce sculdich es te begherne dat hemelsche
lantscap, dat sijn die ewelike bliscepen van hemelrike, die loen
die god belovet heeft den zaligen – want, also sente Gregorius seit, god
heet datment begheren soude –, also ghelijc es elc sculdich te vliene die
wrake gods, dat sijn die ewelike pinen vander hellen, die hi worpen sal
op die quade. Dese pinen vander hellen, also ghi hier na horen sult, es
elc mensce sculdich te vliene ende te pensene om vi saken.
Eerst, om dat daer es i eewelike *scede uten gheselscap der salighre.
Hier af seit sente Jan Ghuldemont aldus: Dat gaet boven alle pinen der
hellen, daer men des ewelijcs goeds, dwelke die mensce hadde moghen
ghebruiken int gheselscap van allen zalighen, eewelike derven moet.
B 3420/37 Na dat – ghedoghen] cf. Petr. Lomb., Sent., lib. 4, dist. 48, cap. 5 – ed. p. 547-548, nr. 280
3434 Joh. 14:2
K 3452 scede] G 1479, stede B W
36ra