Download pdf - Textualscholarship.nl

3384
3388
3392
3396
3400
3404
3408
3412
3416
5 Wech van salicheit 255
nen no eneghe claerheit gheven sullen. Dese planeten entie sterren sullen
dan meerre claerheit ontfaen, want also die Meester van Sentencien
seit ende andre meesters uten woerde vanden prophete Ysayas, dan so
sal die mane also claer schinen als de sonne nu doet, ende dan sal die
zonne sevenwerf clarer schinen dan si nu doet. Dat sal sijn also claer
alsi scheen Adame, onsen vader, eer hi dierste zonde dede. Want, also
die Meester van Sentencien seit ende andere meesters, bider ierster
zonden van Adame so was vermindert dat licht vander zonne, vander
mane ende vanden sterren, maer na den dach vanden vonnisse, als die
sonde niet meer sijn en sal entie sondare inden afgront vander hellen
gheworpen sal sijn, dan sal die sonne haren loen ontfaen van dat si den
mensche gedient heeft, ende hebben weder haer claerheit die si eerst
hadde al si van gode gheschepen was, dats die claerheit van vii daghen,
ende dan saelt altoes dach sijn. Want also vorseit es: Eerderike sal sijn
al slecht, entie sonne en sal niet ondergaen.
Ende also Albertus seit dat die eerde sal worden ghesuvert, dats te
verstane niet alleene deerde, dat donderste element es, maer dwater,
de lucht ende tfier, die boven der eerden sijn, die de andre elementen
sijn, gelijc datmen biden hemele verstaet die sterren entie planeten die
onder den hemele sijn. Want also hi seit: Die eerde sal sijn claer gelike
den cristale. Die lucht sal sijn suver, want het en selen gheene winde
sijn, no gheene regene, no dau, no haghel, no snee, no donder, no
blixeme. Dat vier ende dat water sullen oec worden suver, want in dat
vier sal dan nemmeer hitte sijn no int water coude. Mar die hitte vanden
viere ende dat coude vanden watre, ende al dat onedel, grof,
eerdsch, deemster, | vuyl ende onsuver es in allen elementen, dat sal
dalen inden afgront der hellen, te meerdren tormente vanden vermalendiden.
Noch tan sullen die iiii elemente bliven ende niet tegaen in
hare substancie ende in haer wesen, ende in dat vier sal bliven claerheit
ende schijnte ende doersienicheit. Dus so *sullen die hemele, dat
sijn die sterren entie planeten die onder den hemel sijn, worden vernieut,
ende deerde, dat sijn die iiii elementen, daer af dattie eerde
donderste es, worden ghesuvert te meerre bliscap vanden goeden ende
te meerre tormente vanden quaden. Ende dit eest datmen verstaet
ende anders niet biden woerde vander heiliger scriftueren: Die heme-
35vb
B 3384/97 Dese planeten – dach sijn] cf. Petr. Lomb., Sent., lib. 4, dist. 48, cap. 5 – ed. p. 546-547, nr. 279
3386/8 Jes. 30:26 3399/3419 Ende also – vergaen] cf. CTV, lib. 7, cap. 20 – ed. p. 250 3418/9 Mat.
K 3413 sullen] B G 1479, sijn W
V 3397 vorseit: cf. 2832, 3374/9