Download pdf - Textualscholarship.nl

3312
3316
3320
3324
3328
3332
3336
3340
3344
5 Wech van salicheit 253
dat zonde leget of liggen mach in groten huisen ende behagelen te doen
maken, want so wiese maken uut ghiericheden, van goede si sijn vermalendijt,
ende so wiese maken uut hoverden of om den creatueren te
genoegen of om sijns selves solaes boven siere noet, si sijn van gode ghehaet,
also vorseit es | biden pro phe ten. Dat orcont wel sente Bernaerd
in eenen boec die hi maecte vanden cellen, ende dit vintmen oec in i boex -
ken datmen heet Summa de viciis.
Dat gout, dat zilver ende andere rijcheden sullen die sondaers oec
wroegen ten utersten daghe vore dansichte gods, in dien dat sise qualike
vergadert hebben, onghetrouwelijc den ermen ghedeelt hebben,
ende swaerlike ter verdoemenissen van harer sielen – daer si qualike
ghecreghen waren – onthouden hebben. Hier af seit sente Jacop in sine
epistele tote desen ghierigen: Uwer lieder rijcheden sijn worden verrot,
ende uwer lieder gout ende silver es roestich worden, dats te verstane
dat sire gode mede verbolghen hebben, entie roestichede sal orconscap
gheven van u lieden, ende wroegen u dat ghi die gramscepe
gods op u lieden vergadert hebt. Want den loen van uwen werclieden
die ghi hem onthouden hebt, die fraude ende dat onghelijc dat ghi oec
anders andren ghedaen hebt, die roepen tot gode wrake, ende god
heeftse ghehoert.
Dus so sullen recht alle dinghen den zondare wroeghen ten utersten
daghe, beide god selve ende die creatueren, also vorseit es. Ende dat es
wel recht, want ghelijc dat i leerare seit: Ghelijc dat wi alle dingen hebben
die ons beroeren te gode te comene ende bewisen, also selen wi
alle dingen hebben die ons wroegen sullen, op dat wire ons niet toe en
bekeeren. Wel so es dan dit vonnisse onsienlijc allen menscen sculdich
te sine, bi deser redenen vorseit ende bi eenre ghemeenre redenen, van
allen desen recht die sente Augustijn seit, sprekende vander vreeselichede
ende ontsienlichede vanden daghe vanden vonnisse aldus: O hoe
nauwe sijn die weghe vanden quaden ten utersten daghe. Want boven
hem lieden sal sijn die oerdeelre, dats god, seere wreet ende gram, onder
hem lieden die helle ontdaen, buiten hem lieden die werelt bernende,
ter rechter hant van hem lieden die viande uter hellen sonder
ghetal, diese ten tormenten waert trecken sullen, in hem lieden die
consiencie diese wroeghen sal, bi hem lieden alle heilighen, alle zaligen
die de sentencie vanden juge verbeiden ende approberen | sullen, ende
alle quade ende vermaledide die de sonden vanden sondaers kennen
sullen. Dese keytivige sondare aldus bevaen, werwaert sal hi moghen
B 3316 referentie aan Peraldus n.g. 3322/9 Jak. 5:2-4
V 3331 vorseit: cf. 3137/41, 3247/52 3333 bewisen: ‘aanwijzen, doen zien’ 3336 vorseit: cf. 3332/5
35ra
35rb