Download pdf - Textualscholarship.nl

252 Het Wiesbadense handschrift folio 34va-35rb
3276
3280
3284
3288
3292
3296
3300
3304
3308
hem decken sal, also vorseit es int ander teeken, als in dien dat de zondaers
niet wert en sijn dat het hem lieden diende, ja, also vele als dat si
hebben sullen mogen i dropel waters ter vercoelten van harer tonghen
als si selen sijn in die torment vander hellen, also wel beteekent staet in
dewangelie biden riken, vrecken man. Die eerde in dien dat si beven sal,
also sente Jan bescrijft in Apocalipsi ende also vorseit es int sevende
teeken, als in dien dat die sondaers niet wert en sijn dat sise draghen
soude of hem lieden vrucht brengen.
Die vogele vander lucht, de vissce vanden watre, entie beesten van
eerderike, also ghenoech gheseit es int vierde ende int vijfte teeken, als
in dien dat si dit goed gods in overtollicheden ende in de ghenoechte
vander smake of in leckernien hebben genomen | ende boven haren
noet. Ende daer bi, also sente Jan bescrijft, so wat den zondaers es in
eerderike te harer genoechte vanden vleesce, ja in overtollicheden, dat
sal hem lieden na desen levene sijn hindernisse ende worden verkeert
in eeweliken tormente. Ghelijc dat die wise man leert sinen zone: In
dijnre sterchede of in dijnre jonchede, sone, volge niet der ghenoechten
van dijnre herten; ende en pense niet: Al hebbic misdaen, wat
quade esser mi af comen? Want die almoghende entie opperste, dats
god, al es hi nu verbeidich, hi es diet wreken sal.
Dat hout entie steene in dien, also Abacuc bescrijft, dat si recht roepen
sullen ute den ghestichte vanden huisen daer in dat si ligghen sullen
toten sondaers: Wee, u lieden, die maect u huisen ende uwe stede in
zonden, dats te verstane ute ghiericheden, uut hoverden ende om uwe
ghenoechten, die anders u lieden gheenen noet en sijn. Dat sonde leget
in groten ghestichten ende in behaghelen huisen te doen makene ende
te doen visierne, dat orcont wel die prophete Ysayas, die seget dat si vermalendijt
sijn van gode die deen huis maken ende dander, ende den ee -
nen acker voegen ende ghecrigen ane den andren uut ghiericheden, als
of si alleene wonen wilden op eerderike ende al dat goet ver swelgen. Dit
oercont oec die prophete Amos, die seghet dat got haet die hoverdichede
van Jacob, dats vanden kerstinen volke, ende hare huise, dat sijn de
ghene die hare huise uut hoverden ende om den crea tue ren te ghenoegene
verchieren doen ende om haer selfs ghenoechte, die bat schuldich
waren gode te soekene ende te genoegen dan creatue ren, hare consiencie
te verchierne met doegden daer god in te wonenne beghert, dan hare
huise met houte, met verwen, dier god niet en roect. Dus so scijnt wel
34vb
B 3274/7 cf. Luc. 16:19-31 3277/8 Apok. 6:12 3285/6 n.g. 3288/90 Sir. 5:2 3290/1 Sir. 5:4
3295/6 cf. Hab. 2:12 3299/3301 cf. Jes. 5:8 3303/4 Am. 6:8
V 3273 vorseit: cf. 2757/9 3278 vorseit: cf. 2824/26 3282 gheseit: cf. vijfde teken, 2800/13 3299 visierne:
spellingvariant van versieren