Download pdf - Textualscholarship.nl

3236
3240
3244
3248
3252
3256
3260
3264
3268
3272
5 Wech van salicheit 251
dats te verstane die loene vanden eweliken levene, die god beloeft heeft
den zalighen, die staen bewijst in die heilighe scriftuere in vele steden.
Van desen loene, hoe onbegripelec hi es eenegen crea tueren te bekennene
ende hoe groet, sprect sente Pauwels ute Ysayas aldus: Ne gheene
oghen en moghent ghesien, no gheene oren ghehoren, no gheene
herten ghepeisen de lone die god bereet heeft den ghenen die hem minnen.
Vander groetheit vanden loene so sprect die wise man inden persoen
vander wijsheden gods, dat es vanden ghebenendiden gods sone
aldus: Met mi sijn rijcheden, blicscepen ende grote weelden. Van desen
loene der saligre, dats vanden bliscepen van hemelrike, suldi vinden
hier na.
Die creatueren die van gode ghescepen sijn tes menscen behoef, die
sullen die sondaers oec wroegen ten utersten daghe vore dat ansichte
gods van dat sire niet wel ghenut en hebben, dats dat si aller deser crea -
tueren ghenut hebben ende daer bi gheleeft hebben, enten heere, diet
al gesciep tes menscen behoef, niet daer mede ghedient en hebben, no
daer af ghedanct en hebben, maer overtollichlike verdaen hebben ende
ondanclijc ontfaen hebben. Van deser ondanclichede sprect | sente
Beernaerd ende seit dat ondanclijchede es die viant van gracien ende
van zalicheden, ende ne gheen dinc en es gode so onghenoechelijc als
ondanckelichede. Ende so waer ondanclichede es, daer en vint gratie
en gheenen wech, want also hi daer seit: Ondanclichede sluit de wege
van gracien. Hoe dese creatueren die van gode gescepen sijn tes menscen
behoef – de hemele, die planeten, die elementen, die vogle, die visscen,
hout ende steene, gout ende zilver ende andre rijcheden – den
sondaers wroeghen sullen, dat staet wel geproeft biden heiligen pro -
pheten ende bi somegen vanden xv teekenen daer af vorseit es.
Die hemele, dat sijn die salige, die sullense wroegen also vorseit es,
in dien, also Job bescrijft, dat haer lieder sonden sullen openbaren die
planeten, dats de zonne, die mane, die sterren, in dien, also Johel be -
scrijft, dat si haer lieder licht wedertrecken sullen ende den zondaren
niet meer scinen en sullen.
Die elementen dat sijn tfier, de lucht, dwater entie eerde. Dat vier in
dien, also vorseit es int veertiende teeken ende daer na, dat het al dat op
eerderike sijn sal ende inde lucht in wraken van zonden verbernen sal.
Die lucht in dien, also Ezechiel bescrijft, dat si vore dien dage der
gramscap gods vol van tampeeste wesen sal. Dat water in dien dat het
34va
B 3239/42 1 Kor. 2:9, cf. Jes. 64:4 3244 Spr. 8:18 3264/5 Job 20:27 3265/67 Joël 2:10 3271/2 Ez.
32:7-8
V 3247 tes: samenvoeging van te des 3262 vorseit: cf. 2754/2868 3263 vorseit: cf. 3258/62 3269 vor -
seit: cf. 2857/9