Download pdf - Textualscholarship.nl

3168
3172
3176
3180
3184
3188
3192
3196
5 Wech van salicheit 249
ghemaect metter hellen, ende eenicheit inghesleghen metter doet.
Die sceppere, dats god selve, die sal dan die sondaers wroeghen, also
vorseit es, in vii puinten.
Eerst van dien dat si die tijt die hem lieden die ontfermicheit gods,
also sente Bernaerd seit, om penitencie te doene, om verlanesse van
zonden te ghecrighene ende om die ewelike bliscap te ghewinnen ghegeven
hadde, ydelike bestaet hebben ende recht verloren. Van desen
puinte sprect sente Bernaerd aldus: Al dien tijt die di van gode ghe -
gheven es, die sal god van di heescen hoe dattune bestaet hebs. Ende
ghelijc dat god niet sal laten te nieute gaen i haer van onsen hoefde, het
en sal met ons ten utersten daghe verrisen also vorseit es, also en sal
god niet laten liden een hantwile van desen heiligen tide die hi ons verleent
heeft, hine salre redene af hebben moeten te dien utersten daghe
vanden ordeele hoe dat wise bestaet hebben.
Anderwerf sal god selve die sondaren wroegen van dien dat si die
sacramente vander heiliger kerken, die hi den mensche ghelaten heeft
in verlanessen ende in behoudenissen vanden zonden also vorseit es,
versmaet, besmet ende luttel gherekent hebben. Hier af sprect die
prophete Ezechiel inden persone van gode, hem beclaghende vanden
prelaten, vanden princen ende vanden ghemeenen volke, daer hi seit
aldus: Die papen hebben versmaet mine wet, ende besmet mine sanctuarien,
dat sijn mine heilighe sacramente. Die princen sijn worden
ghelijc wolven, rovende ende bloetstortende entie zielen verliesende,
ende dat volc es worden mallic andren cracht doende, den ermen ende
den weesen sonder vonnisse onrecht doende, | ende alle dese, also
Ysayas bescrijft, oec ghierichlike winninge ende ghiften volghende
ende begherende.
Derdewerf van dat si die vierten vanden heilighen daghen ghebroken
hebben ende gode op die heilighe daghe niet ghereckelike ghe -
oefent en hebben. Hier af sprect die selve prophete Ezechiel, in die selve
stede hem beclagende van allen manieren van lieden aldus: Van
minen sabbatum, dats van minen vierliken feesten, hebben si ghekeert
haer ogen, ende ic wart besmet onder hem lieden, dats te seggene, si
verbolgen mi mids haren zonden op die heilighe daghe.
Vierdewerf vandien dat si die ghebode vander heiliger kerken niet
B 3174 Luc. 21:18 3183/4 cf. Ez. 22:26 3185/6 cf. Ez. 22:27 3188 cf. Ez. 22:29 3188/91 cf. Jes.
1:23 3194/7 cf. Ez. 22:26
V 3164/5 covent ghemaect: ‘een verbond gesloten’; cf. MNW convent 3165 eenicheit inghesleghen: ‘verdrag
aangegaan’; inslaen niet in MNW in deze betekenis 3167 vorseit: cf. 3137/8 3171 bestaet (bestaen):
‘besteed, gebruikt’ 3175 vorseit: cf. 2918 3188 cracht doende: ‘geweld plegend’ 3193 ghereckelike:
‘op betamelijke wijze’
34ra