Download pdf - Textualscholarship.nl

3096
3100
3104
3108
3112
3116
3120
3124
3128
5 Wech van salicheit 247
sijn om die quade ende die verdoemde met hem lieden te treckene inden
eeweliken torment der hellen. Hier af staet bescreven in dewangelie
dat god int einde der werelt sal zenden sine engle, dat sijn die quade
gheeste, die sullen sceeden die quade uten goeden, ende selense worpen
inden ferneys vanden eeweliken viere.
Vierdewerf bider redenen dat alle die vercorene gheeste entie chore
der inghele vanden hemele sullen recht beroert sijn ende vervaert der
toecomste van Cristus ten oerdeele, also in dewangelie bescreven staet.
Ende hier bi Job, die seit dattie columpnen vanden hemele, dat sijn alle
die vercorene entie heilige engele, sullen beven ter toecomste van hem
ende hem recht vervaren. Vele meer dan so moghen hem vervaren ende
ontsien die menscen die niet vercoren sijn.
Vijftewerf bi dier redenen, also vele leeraren segghen, dat niemen en
weet van welken ghetale hi dan sijn sal, vanden zalighen ende vanden
ghebenendiden of vanden quaden ende vanden vermalendiden, no in
eerderike wesende of sijn leven gode ontfanclijc es of en es *niet seker
ghekennen mach. Dit seit die wise man, daer hi sprect aldus: Omnia in
futuro reservantur incerta. Dats te seggen, alle dingen worden ghehouden
toten doemsdage onseker sonder besceeden. Dit machmen
merken ute dien dat die prophete Zophonias den dach vanden utersten
vonnisse heet, also voerseit is, die dach van deemsternissen, dats van
onkennissen; als in dien dat nu niement seker gekennen en mach wat
vonnissen hem dan van gode sal mogen gescien, of weder hi werdich
es nu van gode ghemint te sine of ghehaet, maer dan, also vorseit es, so
sal elc sijns selfs consiencie kennen ende daer ute hem selven wroegen.
Sestewerf bi dier redenen datmen die sentencie ende tvonnisse gods
niet wederroepen sal mogen. Dit bescrijft die prophete Ysayas, daer hi
seit dat dat woert gods es blivende eewelike. Ende also in dewangelie
staet bescreven, alle die | woerde gods selen moeten vol scien, entie
minste lettre van dien en salre niet af ghebreken.
Dus so sijn bi deser redenen vorseit alle menscen wel, hoe groet, hoe
rike, hoe subtijl dat si sijn, dit uterste generael ende ghemeen vonnisse
sculdich tontsiene, dat dese gherechte oerdeelre ende juge Jhesus Cris -
tus gheven sal. Want hi es almachtich, men salne niet moghen weder-
33va
B 3096/9 Hier af – viere] cf. Petr. Lomb., Sent., lib. 4, dist. 48, cap. 4 – ed. p. 540, nr. 273 3097/9 Mat.
13:41-42 3100/2 cf. Mat. 24:29-31 3103/5 Job 26:11 alle die vercorene – vervaren] cf. Petr.
Lomb., Sent., lib. 4, dist. 48, cap. 5 – ed. p. 546, nr. 279 3111/3 cf. Pr. 9:2 3114/6 Soph. 1:15
3121/2 Jes. 40:8 3122/4 cf. Mat. 5:18
K 3109 no] W, noch B 1479, deest G 3110 niet] B 1479, nu W, deest G
V 3119 vor seit: cf. 3087/8 3125 vorseit: cf. 3120/1