Download pdf - Textualscholarship.nl

246 Het Wiesbadense handschrift folio 32vb-33va
3060
3064
3068
3072
3076
3080
3084
3088
3092
dus: Die gramscap vanden man, dats van Cristus, desen gherechten
oerdeelre, den ghebenendiden | gods zone ende mensce, hine sal niemen
sparen in dien dage van wraken, no ghereet sijn te iemens bede,
no ontfaen yemens ghifte. Want also die leeraers segghen dat Maria,
alle engle, alle heiligen met tranen baden over eenen die in hoeftzonden
ware – op dat mogelijc ware – so ne soudse Cristus, die gerechte
oerdeelre, dan niet horen. Maer elc wete dat dat onmoghelijc ware dat
si gode dan souden willen bidden jeghen sine gherechtichede, hoe dat
si nu over die zondaers bidden om ontfermichede. Want also vorseit
es, si sullen dan dat gherechte vonnisse goeds *approberen ende in die
wrake der quadere verbliden. Ende dat die dach van desen utersten
vonnisse wel mach sijn gheheeten die grote dach, dat mach elc merken
bi dien datmen daer sal gheven vonnisse van groten zaken, van vele zaken
ende vore vele groter persone. Van groten saken, want dat vonnisse
van Cristus en sal niet sijn van huisen, van lande, van ghelde,
maer vander eeweliker verdoemenissen of vander eeweliker behoudenissen.
Van vele saken, want also in dewangelie staet becreven: Niet alleene
van al haren werken die si sullen hebben ghedaen, maer oec mede
van allen ledegen woerden die si sullen hebben ghesproken, ende vele
meer, also wel te verstane es, van onnutten, bedriegheliken, onzuveren
ende onghestichteghen woerden, so sullen alle menscen ten jonxten
daghe redene moeten gheven. Ende vore vele persone ende grote, want
also vorseit es, te dien oerdeele sal sijn vergadert vore Cristus al dat
gheselscap vanden hove van hemelrike, alle menscen van eerderike,
ende alle viande vander hellen.
Anderwerf bider redenen dat elcs menscen quade werken alle crea -
tueren, beide den goede enten quaden, openbaer dan sullen zijn. Also
Albertus seit ende andere leeraers oerconden, ende also die Meester
van Sentencien ghenoech seit, alle sondaers sullen hem selven wroe -
ghen ende haers selves consiencie. Hier ute machmen wel merken dat
Zophonias die prophete seit dattie dach vanden oerdeele es seere bitter,
dats te verstane den quaden, want hi es hem lieden te bitter int
wroegen van harer consiencien. Also bescreven staet | inden prophete
Oseas dat si sullen begheren toten berghe ende segghen: ‘Valt op ons’,
ende toten hillen: ‘Dect ons’.
Derdewerf bider redenen dat die viande uter hellen ghereet sullen
33ra
33rb
B 3075/80 Mat. 12:36 3086 plaats uit CTV n.g. 3087 plaats uit Petrus Lombardus n.g. 3088/90
Soph. 1:15 3092/3 Os. 10:8
K 3068 approberen] B 1479, deest G, opproberen W
V 3067 vorseit: cf. 2970/2 3081 vorseit: cf. 2936/7