Download pdf - Textualscholarship.nl

3024
3028
3032
3036
3040
3044
3048
3052
3056
5 Wech van salicheit 245
es i versceeden van gode. Dander es maledictie. Dat derde es i ewige
ghekerkerthede. Tvierde es die scerpheit vanden pinen vanden kerkere,
dats vander helle. Dat vijfte es i wanhope van ute dien pinen nemmermeer
te comene. Ende dat seste poent es een geselscap metten vianden
uter hellen.
Hoe ontsienlec dat duterste vonnisse es ende waer bi
Dit uterste vonnisse dat aldus die ghebenendide gods zone Jhesus
Cris tus gheven sal, es wel sculdich tontsiene van allen menscen bi vele
redenen.
Eerst bi dier redenen dat dit vonnisse die zalige menscen entie heilige
vaders | entie propheten ontsien hebben ende eenpaerlijc dat in
ghedenckenissen ghehadt hebben. Ende alsomen in de heilige scrifture
vint so wat si van dien doemsdaghe vorseiden, alle menscen grote
vreese ghevende, ghesproken hebben, vele meer dan so mogent andre
menscen ontsien die in vele zonden op eerderike gheleeft hebben. Hoe
dese heilighe propheten van desen vreeseliken utersten dage voersproken
hebben, dat vintmen wel in die heilige scriftuere. Want Ysayas die
prophete heet desen dach vanden oerdeele den wreeden dach ende den
dach vol van gramscepen, die prophete Jheremias heettene den dach
van wraken, entie prophete Sophonias heetene den groten dach, den
snellen dach, den dach van bitterheden, den dach van deemsterheden,
den dach van anxte ende van tribelacien. Dattie dach vanden utersten
vonnisse es gheheeten die dach van wreetheden ende vol van gramscepen,
dats te verstane aldus: in eerderike wesende, so eest die tijt dat die
mensce ontfermichede ende verlatenisse van zonden aen gode met penitencien
ghecrigen mach, maer na desen levene ende inden daghe vanden
oerdeele so saelt sijn die tijt van gherechticheden, daer elc sal moeten
comen metten werken die hi in eerderike sal hebben ghedaen,
goede of quade, want na desen levene so en mach niement niet verdienen.
Ende om dat Cristus daer na die werke van den mensce die sentencie
van siere gherechticheit op die ghene die in eerderike wesende
ontfermichede aen hem niet soekende waren, gheven sal, so eest datmen
in die heilighe scriftuere vermont ende elder in vele steden seit dat
Cristus, dese ghebenendide juge, ten ordele den quaden sal scinen
wreet ende gram, die nochtan in hem selven beide nu ende dan altoes
blijft onverwandelijc, want sijn gram wesen en es hem el niet dan na
gherechtichede jugeren. Dattie dach van desen oerdeele wel mach sijn
gheheeten die dach van wraken, dat orcont die wise man daer hi seit al-
B 3037/9 Jes. 13:9 3039/40 Jer. 46:10 3040/2 Soph. 1:14-15 3058/62 n.g.
K 3055/3137 dan altoes – Eerst] deest G (twee bladen ontbreken)
32vb