Download pdf - Textualscholarship.nl

244 Het Wiesbadense handschrift folio 32rb-32vb
2988
2992
2996
3000
3004
3008
3012
3016
3020
ne; ic hadde dorst, ghi en gaeft mi niet te drinckene; ic was naect, ghi
en cleedet mi niet; ende also voert vanden andren werken van ontfermicheden
die vore ghenoemt staen. Dan sullen si hem wanen ontsculdegen
ende segghen: Heere, welc tijt saghen wi u hongher hebben, dat
wi u niet en spijsden; of dorst hebben, dat wi u niet en drencten; of
naect sagen, dat wi u niet en cleedden? Ende also vanden andren. Ende
daer sal hi recht sine sentencie vorseit conformeren ende hem lieden
antwerden: Waerlike, wanneer so ghi niet en daet den minsten diet
begherende was in minen name, so en dadijs mi niet.
Die scare vanden vercoernen ende vanden goeden, als vanden middelen
die van gode ghevonnist sullen worden, dat sijn de gene wies
verdienten goet sijn, maer enich quaet, dat sijn eenighe zonden die si
hadden ghedaen, die hebben si ghedwegen met tranen, ghedect met
minnen ende gelost met aelmoesenen ende met penitencien. Tote den
zalighen | die ter rechter hant van hem sullen staen, also vorseit es, sal
onse heere dan spreken sijn vonnisse ende seggen: Comt, ghi ghebenendide
mijns vader, ontfaet dat rike dat u lieden bereet es van be -
ghinsel der werelt. Want ic hadde hongher, ghi gaeft mi tetene; ic hadde
dorst, ghi gaeft mi drinken; ic was naect, ghi cleedet mi; ende also
voert vanden anderen werken van ontfermicheden vorseit, also sente
Matheeus bescrivende es van beiden desen sentencien die god ten utersten
dage geven sal, deene op die goede, dander op die quade.
Ende also Albertus bescrijft, so heeft elc van desen sentencien gods
vii clausen of vii poenten in hare besloten. In die sentencie vanden zaligen
vorseit, so machmen merken vii poenten. Eerst i minlec roepen
vanden ghebenediden gods zone, in dien daer hi seit: ‘Comt’. Anderwerf
een godlike benendictie, in dien daer hi seit: ‘ghi gebenendide’.
Derdewerf eene vaderlike minne, als hi seit: ‘mijns vader’. Vierdewerf
i gheven van loene, als hi seit: ‘ontfaet’. Vijftewerf i bewisen vanden
rike, als hi seit: ‘dat rike’. Sestewerf een bereeden der glorien ende der
eweliker bliscepen, als hi seit: ‘dat u lieden bereet es’. Ende sevendewerf
een eewige voersienicheit ende predestinacie te dier bliscepe, in
dien daer hi seit: ‘van beghinsele der werelt.’ Aldus so heeft die sentencie
van den quaden vorseit oec in haer besloten vi puinte, die recht
contrarie sijn den puinten vander sentencien der zaligre vorseit. Die
oec elc wel merken mach ute den woerde van diere sentencien. Dierste
32va
B 2988/93 Mat. 25:44-45 2994/3006 Die scare – quade] cf. Petr. Lomb., Sent., lib. 4, dist. 47, cap. 3 – ed.
p. 538-539, nr. 272 2998/3003 Mat. 25:34-35 3007/15 Ende also – bereet es] cf. CTV, lib. 7, cap. 19
– ed. p. 249 3015/25 Ende sevendewerf – hellen] CTV, lib. 7, cap. 29 – ed. p. 249
V 2991 vorseit: cf. 2979/84 2999 vorseit: cf. 2938/9 3004 vorseit: cf. 2244/68 3009 vorseit: cf.
2998/3002 3018 vorseit: cf. 2979/84