Download pdf - Textualscholarship.nl

242 Het Wiesbadense handschrift folio 31vb-32rb
2916
2920
2924
2928
2932
2936
2940
2944
Want niet meerder en mach die lichaem verrisen dan hi soude hebben
geworden, no niet minder dan hi was. Want onse heere sprect in dewangelie:
een haer van haren hoefde en sal daer niet gaen te nieute.
Ende oec also die leeraers seggen: Niet *dat vander substancien vanden
lichame was so en sal te nieute gaen, maer gheheel die selve lichame
sal verwect worden vanden asscen of vanden zande daer hi in verkeert
was ende so werwaert of hoe verre dat die gedeelt waren, ende
comen ter selver ziele die teerst in den lichame was. Ende also verrisen
die zalighe in allen gheheellicheden, scoenheden ende claerheden, ghelijc
der sonnen, vanden lichame ende van al haren leden; die onsalige
niet in claerheden no in scoenheden, maer in gheheellicheden die si
hadden tierst, ende niet in gheheellicheden no in scoenheden van haren
leden daer si teerst in vermenct waren bi ghebreke van natueren.
Aldus alle menscen verwect, dan so sullen biden goeden inglen gods
worden vergadert alle menscen vore Cristus ten oerdeele int dal van
Josophat, dat bi Jherusalem staet, bi dien redenen dattie stede van vonnissen
es sculdich te wesene ghemeene ende vernaemt. Entie stat van
Jherusalem mach wel heeten i ghemeene stede, want also eenige meesters
seggen, si staet in de middewaert vander werelt ende si es seere
vernaemt bi dat Cristus daer wrochte die werke van onser behoudenissen.
Daer so sullen dan worden vergadert alle menscen, also vorseit
es, ende alle ingele ende alle viande. Ende daer sullen die quade staen
op deerde, also Albertus seit, die si ghemint hebben, maer die goede
sellen met gode sijn in de lucht, also sente Paulus bescrijft entie Meester
van Sentencien.
Hoe Cristus sijn vonnisse formeren sal ende waer op |
Alle creatueren aldus ten vonnisse int dal van Josaphat vergadert, daer
so sal hem Cristus, die ghebenendide gods zone, openbaren inder
lucht met groter mogentheden, om vonnisse te ghevene over levende
ende over dode, dats over die goede ende over die quade. Want also in
dewangelie staet bescreven: God die vader en vonnist niemen, maer al
dat vonnisse heeft hi den zone ghegeven, om dat hi mensce es. Dits te
B 2917/8 Luc. 21:18; 12:7 2929/36 Aldus – behoudenissen] cf. CTV, lib. 7, cap. 17 – ed. p. 247 2938
verwijzing uit Albertus n.g. 2938/9 1 Tess. 4:16/17 2938/40 maer – sentencien] cf. Petr. Lomb.,
Sent., lib. 4, dist. 48, cap. 4 – ed. p. 545, nr. 278 2945/7 Want also – mensce es] cf. Petr. Lomb., Sent.,
lib. 4, dist. 48, cap. 2 – ed. p. 543, nr. 276 2946/7 Joh. 5:22
K 2919 dat] B G 1479, dan W
V 2915 vorseit: cf. 2908/9 2936 vorseit: cf. 2929/32
32ra