Download pdf - Textualscholarship.nl

238 Het Wiesbadense handschrift folio 30va-31ra
2780
2784
2788
2792
2796
2800
2804
2808
2812
meten no ghetellen, also ghelijc sijn die pinen vander hellen groot ende
ongetallijc sonder mate.
Dat ander teeken vorseit beteekent die ewicheit entie onverganclicheit
vanden pinen vander hellen. Also Ysayas die prophete bescrijft,
sprekende vanden vermalendiden aldus: Claudentur ibi in carcere sempiterno,
dats te segghene: Si sullen daer worden ghesloten in eenen kerker.
Ende dats wel recht, want om dat si hier den oppersten hebben
ghelaten, dats gode, so sullen si daer int nederste bliven ghesloten.
Dat derde teeken beteekent die ghestadicheit vanden pinen ende dat
si en gheenen tijt en sullen minderen maer altoes in eenen staet bliven,
also Ysayas de prophete bescrijft: Erit terra eius in picem ardentem
nocte et die, non extinguetur in sempiternum, dats te zeggene: Haer lieder
lantscap, dats te verstane der verdoemdre, sal sijn int bernende pec
nacht ende dach, ende dat en sal nemmermeer utegaen.
Dat vierde teeken beteekent dat die vermalendide in die tormente
sullen onderlinge hebben grote roepinghe ende groten onpays ende
onminne, ghelijc dat die zalige in hemelrike | onderlinghe hebben pays
ende minne. Van deser roepinge der vermalendider so sprect die wise
man aldus: Iracundia perseverans et contencio, dats te seggene: Daer sal
zijn eenparich nijt ende strijt. Want uter seerichede van herten so sellen
si roepen, maer uter groter anxten vander pinen so en sullen si niet
verstaen wat si roepen.
Dat vijfte teeken es dat alle vogele vander lucht sullen vergaderen op
die velde, al ghelijc of si te gader spraken recht weenende, niet etende,
niet drinkende, maer recht ontsiende den dach vanden vonnisse. Dit
teeken es ons geproeft biden prophete Jheremias daer hi sprect aldus:
Omne volatile celi recessit a facie domini et a facie furoris eius, dats te
segghene: Alle ghevochelte vander lucht es gevloen uten ansichte gods
ende vander gramscepe gods. Dat vijfte teeken es beteekenende dat die
vermalendide in die helle recht gebonden sullen zijn in bondelen. Also
in dewangelie staet bescreven: Daer sullen si sijn in groten hongre, in
groten dorste, in weeningen van oghen, in criselingen van tanden.
Ghelijc dat Job bescrijft vanden zaligen in hemelrike die contrare: In
vastitate et fame ridebitis, dats te segghene: Ghi sult lachen in hongre
ende in dorste. Dats te verstane dat si daer sullen hebben alle vervulte
van goede ende van alre bliscepen.
30vb
B 2782/4 Jes. 24:22 2788/91 Jes. 34:9-10 2795/7 Sir. 40:4 2803/6 Jer. 4:25-26 2808/9 cf. o.a. Mat.
8:12 2810/12 Job 5:22
V 2780 vorseit: cf. 2757/9 2812/3 vervulte van goede: ‘overvloed van goede dingen’; cf. MNW vervulte
P 2806 beteekenende: het afkortingsteken voor de tweede n is boven de vierde i.p.v. vijfde e geplaatst.