Download pdf - Textualscholarship.nl

2608
2612
2616
2620
2624
2628
2632
2636
2640
2644
5 Wech van salicheit 233
ne, bliscap, vrede, ghedoechsamhede, ghestadichede, goethede, ontfermichede,
goedertierenhede, ghelove, ghematichede, continencie – dats
eene hoede voert an van vleesceliker sonden – ende zuverhede. Maer
om dat voren staet gheseit van al desen, so en blijft hier naer maer te
segghene van bliscepen, van ghestadicheden ende van goetheden.
Vanden iii vruchten des gheests sonderlinghe. Van bliscepen
Warachtighe bliscap, also Seneca seit, en spruit niewer ute dan alleene
uut eender suverer consiencien van dogeden. Dese bliscap es onghelijc
der wereliker bliscap in doegden in vier dingen.
Eerst so sijn si onghelijc, ghelijc dat die dinc die zuver es, ongelijc es
der dinc die onsuver es. Die gheestelike bliscap es zuver ende puer
ghelijc den wine, ende daer omme es si sterc om den mensce dronken
te makene vander minnen gods; maer die werlike bliscap en es niet suver,
maer gemengt ende besmet met ii dingen, dats met bedructheden
van consiencien ende met besorchtheden van eerdschen goede, ende
hier om so en es si niet sterc om den mensche te voeghene ter minnen
gods.
Anderwerven so sijn si onghelijc in dien dat gheestelike bliscap es
sculdich te sine van seere werden dinghen, dats van gode ende van gotliken
dingen, also sente Pauwels ons leeret ende seit aldus: Verblijt in
gode altoes, daer die weerlike es van onwerden ende van vulen din -
ghen, dats van onsuverheden van lichamen, van dronkenscepen ende
van ydelheden. Van welker bliscepe sente Augustijn seit aldus: Weerlike
bliscap es onghewrokene quaethede.
Derdewerf so sijn si onghelijc in dien dat gheestelike bliscap doet
vele profijts den goeden mensce, daer die weerlike bliscap den mensce
deert. Die gheestelike bliscap verwint den viant ende doet versmaden
die werelt.
Ende vierdewerf es die gheestelike bliscap ongelijc der weerliker
bliscapen, want die gheestelike bliscap die es eenparich ende ghedue -
rich ende seker. Die wise man bescrijft aldus: Seker so es die herte die
eenpareghe bliscap heeft ende gheduerege, maer die weerlike es cort
ende overlidende. Also ons Job bescrijft aldus: | Die bliscap vanden
ypocriten, dats de bliscap vander werelt, es ghelijc eenen poente. Want
ghelijc dat die ypocrite, al es hi van binnen ghecorrumpeert ende besmet,
van buiten schijnt hi nochtan goet, also gelijc die werelt, in de
waerheit so es si quaet, al scijnt si van buiten enegen creatueren bloeiende
ende solaselic. Dese es ghelijc eenen poente, want gelijc dat een
poent en heeft lanchede, no wijthede, no diephede, also en heeft dese
bliscap der werelt no lanchede, no gheduerichede, noch wijthede van
B 2606/9 Gal. 5:22 2626/8 Fil. 4:4 2637/9 n.g. 2639/40 Job 20:5
29va