Download pdf - Textualscholarship.nl

232 Het Wiesbadense handschrift folio 28vb-29va
2576
2580
2584
2588
2592
2596
2600
2604
was, dat heeft nu Cristus, die ghebenendide gods sone, also | hi selve
orcont, inden cruce al voldaen.
Dus so sijn ii boeke daer men dese verstannisse in mach lesen ende
leeren, dats de boec vanden creaturen ende die boec vander heiliger
scriftueren. Ute desen boeke so leert dese verstannisse den mensce
kennen dat boven hem es, dats gode, also vorseit es, om dat hine soude
loven hoghelike; dat bi hem es, dats sinen evenkersten, om dat hine
soude minnen broederlike; ende dat onder hem es, dats sine ziele ende
sinen lichame, om dat hi den lichame soude bestieren na den heesce der
sielen, dats den wille entie ghenoechte vanden sinnen na den bewisene
der redenen onderscheedichlike.
Van godlike smake
Godlike smake staet in dien datmen gode kenne ute hem selven, ende
bi datmen ghevoele ende ghesmake die soethede ende die grote ghenoechte
siere heiliger minnen. Dit es die upperste gave vanden heili -
ghen gheest in eerderike, want so wie hier toe comen mach, also ons
wel versekert staet inden zoutere, god sal hem gheven den heesch entie
begerte van siere herten. Dats oec die echterste ghifte gherekent na
dit getal, in teekene dat niemen ter smake van deser gheesteliker soetheit
comen en mach, hi en hebbe ierst wederstaen die herthede vander
temptacien van sonden entie bitterhede van scerpheden van penitencien.
Ghelike datmen siet datmen niet comen mach ter soethede vander
keernen vander note, men moet ierst liden die herthede vander scale
entie bitterhede vander scorsen. Dese gave van godliker smake doet
den mensce recht kennen alle dinc: die helle om dat hise soude ontsien,
die werelt om dat hise soude versmaden, dat hemelsce rike om dat hijt
soude begheren, ende gode om dat hine soude minnen ende loven.
Vanden xii vruchten des gheests int ghemeene
Na desen ghiften des heilichs gheests so volgt te wetene vanden xii
vruchten des heilichs gheests, dat sijn recht xii werken van groter genoechten
ende van godliken solace die de zalighe ziele in hare werkende
es, *als soe* van desen ghiften des heilichs gheests [vii]
vervult is. Dese | bescrijft ons sente Pauwels ende noemse aldus: min-
B 2590/1 Ps. 20(21):3
29ra
29rb
K 2605 als soe] B, also GW 1479. De leggers van G W 1479 hadden vermoedelijk ook als soe, waarbij soe
een Vlaamse variant is van het pers. vnw. ‘zij’. Dit werd later niet begrepen en de woorden werden samengevoegd
tot één woord. vii] B G 1479, tr. post gheests W
V 2579 vorseit es: cf. 1472