Download pdf - Textualscholarship.nl

2540
2544
2548
2552
2556
2560
2564
2568
2572
5 Wech van salicheit 231
van goetwillicheden dat goede doet willen werken, also gelijc so doet |
die gave van wijsheden den mensce tgoede connen werken, ende leert
hoemen die dinc sal doen.
Van stercheden
Starchede staet in dien datmen tgoede boudelijc aenneme ende dat
quade manlijc wedersta. Hier af staet vore gheseit. Van deser sterchede
seit sente Gregorius: Niement ontsie hem *jeghen den* viant uter
hellen te stridene jeghen die zonden. Want gelijc dat hi es sterc
jeghen de ghene die hem te sonden consenteren, also ghelijc es hi cranc
jeghen die ghene die de zonden wederstaen. Want so wie sinen temptacien
consent draget, niettemeer dan eenen libaert so en machine
voerdan wederstaen; maer die wederstaet die temptacie vanden zonden,
so verwint hine ghelijc eenre miere.
Van rade
Raet staet in dien datmen dat quade conne wederstaen. Want ghelijc
dat die gheest van wijsheden doet connen werken tgoede, dat die
gheest van goetwillicheden doet willen werken, also vorseit es, also gelijc
so doet die gheest van rade dat quade connen wederstaen, dat die
gheest van stercheden doet willen wederstaen.
Van verstannissen
Verstannisse staet in dien datmen gode kenne in die creatueren of bi
scrifturen. Biden creatueren so machmen gode verstaen ende kennen
den sceppere, also sente Pauwels seit ende die wise man. Want in die
groetheit van eerderike ende vanden creatueren so machmen kennen
die moghenthede gods; in die scoenheit of in die ordenancie of in dat
maecsel van creatueren, so machmen merken ende kennen die wijsheit
gods; ende in die vrucht of in die nuttelicheit vanden creatueren, so
machmen merken ende kennen die goetheit gods.
Bi scrifturen so machmen gode oec kennen, also men uter ewangelien
merken mach daer Cristus den ii disciplen die gingen in Emaus,
hare zinne ontsloet, om dat si die scrifture souden verstaen. In die figuere
vander ouder wet so verstaet men ende bekent die ghiften van
gratien die Cristus ghewracht heeft in die niewe wet. Want dat doen
van gode den vader bi sinen propheten voersproken ende voerteekent
B 2561/2 cf. Rom. 1:20 2562/4 cf. Wijsh. 13:5 2569/70 cf. Luc. 24:13-35
K 2546 jeghen den] B G 1479, vanden W 2547 ende] B 1479, om. G W
V 2545 vore gheseit: cf. 1743/8 2556 vorseit es: cf. 2528/36
28vb