Download pdf - Textualscholarship.nl

2468
2472
2476
2480
2484
2488
2492
2496
2500
5 Wech van salicheit 229
dan so wort hi beroert van weenene over die zonden. Ende dat doet
die gheest van wijsheden, dats die kennisse van hem selven.
Die gheest van stercheden werct inden mensce die zalicheit van
honghere ende van dorst te hebbene na die gerechtichede. Want als de
mensce aldus die menichfuldicheit van sinen zonden bekent | ende beweent
heeft, dan so soude hi gerne pinen om ute dien sonden te comene,
ende daer ontfaet hi eene nerenste begerte ter gherechtichede.
Die gheest van rade werct inden mensce die zalichede van ontfermicheden.
Want als de mensce gherne uut sinen zonden quame ende
daer om pinen wille nerenstelike, daer so behoeft hem dat hi ontfermicheit
werke op sinen evenkersten, ende dat stiert hem wel in die
gheest van rade.
Die gheest van verstannissen werct inden mensce die zalichede van
zuverheden van herten. Want als den mensce aldus ute ontfermicheden
sine zonden vergheven sijn, so behoeft hem dat hi blive in dien
staet daer hi gode eenpaerlijc in aenscouwen mach, dats in zuverheden
van herten.
Ende die gheest van godliker smaken werct inden mensce die zalicheit
van vreden. Want als die mensce aldus met suverheden van herten
de waerheit soect te kennene, so voegten god in eenen inwendigen
vrede ende rekenttene zijn kint, ende voettene metter edelre spisen van
Cristus, sinen ghebenendiden zone, dat es met dat hi eenpaerlijc uut
minnen der goedertierenheit gods es werkende den wille gods. Ende
god sprect in dewangelie selve: Di mi minnen, die min ic. Ende aldus
gode minnen ende van gode gemint zijn, en es el niet dan i inwendich
vrede.
Van vreesen
Vreese es, also sente Augustijn seit, een vlien vanden quade, maer also
Albertus ende andere leeraers seggen ende orconden, so vintmen vi
manieren van vreesen.
Dierste es natuerlec, daer mede dat elc vliet bi natueren dat hem bejeghent.
Dese vreese en es niet verdienlec vore gode, want si en staet
niet onder die vriheit noch onder dat bedwanc vanden wille. Dese
vreese es den mensce inbleven als in eenre pinen onder deerste zonde
van Adame.
Die ander vreese es menscelec, dats als die mensce te seere ducht si-
28rb
B 2490 Joh. 14:21 2494/6 Vreese es – vreesen] cf. CTV, lib. 5, cap. 39 – ed. p. 185 2497/520 Dierste –
wille; die andere – lichame; die derde – verliesene; die vierde – hellen; die vijfte – te doene; Entie seste –
verbelgene] cf. CTV, lib. 5, cap. 39 – ed. p. 185
K 2493 1479 heeft bij dit hoofdstuk 14 regels extra tekst.