Download pdf - Textualscholarship.nl

2400
2404
2408
2412
2416
2420
2424
2428
2432
5 Wech van salicheit 227
den; entie luxurieuse menscen die de genoechte van haren lichame
minnen, die wederseggen de teekene van zuverheden.
Armoede es dander raet der heiliger ewangelien die ons van Cristo
bewijst es jeghen die ghierichede, die een van drien sonden es in de werelt
meest regnerende, also sente Jan seit. Desen raet bewijst ons onse
behoudere in die ewangelie, daer hi sprect toten jongelinc die hem
vraegde wat hi doen soude moghen daer hi dat ewelike leven mede
soude mogen besitten, ende seide: Hout die ghebode ende oftu wils
volmaect sijn, ganc ende | vercope wattu hebs ende gheeft den ermen,
ende du sels hebben i tresoer inden hemel.
Van suverheden
Suverhede es, also sente Bernaerd seit, een enghelijc leven. Suverhede
es gecompereert inde heilige scrifture bider lelien, want de lelie heeft
vi bladerkine die van witter verwen sijn, ende vi granen die van roder
verwen sijn; also gelijc heeft zuverhede, daer si volmaect es, beide scamelhede
na den lichame ende onbesmethede int herte, dats eenen wille
van niet te meenen te misdoene. Die witte bladerkine ghelijc den
snee es beteekenende bider scamelhede vanden lichame, ende
dier bladerkine sijn sesse in teekene dat vi dingen sijn die noetsakelic
sijn der suverhede vanden lichame.
Dierste es soberhede van etene ende van drinkene ende sonderlinge
van wine. Hier af seit sente Jheronimus: eene maget vlie den wijn dier
ghelike dat si soude venijn. Ende sente Pauwels verbied wijn te drinken
boven maten, want daer spruit ute luxurie.
Dander es scerphede van cleederen. Also sente Bernaerd ons heet ghedenken:
so de karde scerper es, so dat laken datmer mede kaert saechter
wort. Ende also ghelijc, so de mensce scerper cleeder draecht naest
sinen lichame ende min behagelec van buiten, so hi bat suver blijft.
Terde es nernstichede in iet goeds te werken. Ledicheit es voetsel
der onzuverhede, also wel gheproeft staet inden anderen boec der Coninge
van David die met Urias wive was ende misdede.
Dat vierde es dat hi wachte sine zinne ende hem hoede van iet te horene
ende te siene daer ghenoechte in leit, want dat es recht de wech te
onsuverheden waert, also wel gheproeft staet inden iersten boec der
biblen van Dyna, Jacobs dochter, die bi haren uutgane ende bi haren
siene viel in onzuverheden ende wart ghecorrumpeert.
B 2399/2401 n.g. 2402/6 Mat. 19:16-21 2419/20 Ef. 5:18 2426/7 2 Sam. 11 2430/2 Gen. 34
K 2407 1479 heeft bij dit hoofdstuk 50 regels extra tekst. 2414 men] B G, om. W, var. 1479
V 2422 karde (caerde): ‘wolkam’, instrument om textiel mee te bewerken
27vb