Download pdf - Textualscholarship.nl

226 Het Wiesbadense handschrift folio 27rb-27vb
2360
2364
2368
2372
2376
2380
2384
2388
2392
2396
sijn beteekent die hoverdege.
Daer hiet god sinen cnapen, dats sinen ingel, dat hi sal bringen in die
feeste der eweliker bliscepe erme, cropele ende blende. Die erme es in
dat alre sekerste leven, want bi ermoeden en risen gheene stride. Die
erme en ontsien gheene tempeeste, maer die rike hebben alle dusdanege
dogene. Die erme sijn oec alder best gerust van herten, also elc weten
mach: daer die rike bi desen goede van eerderike, dat si met ongeordeneerder
minnen besitten, dicwile in groter onrusten zijn, daer es
die gewillige erme altoes in vreden.
Beede dese poente staen wel gheproeft bi dien woerde dat sente Bernaerd
sprect aldus: Dat goed van eerdrike, alsment besit, het last; alsment
mint, het besmet; alsment verliest, | het verseericht. Die erme
dragen dat i teeken van Cristo, dats ermoede. Hier mach elc merken
ende leeren datmen uter ewangelien nemt dat onse behoudere Jhesus
Cristus was gheset van gode den vader teenen teekene, als daer alle
menschen aen souden hebben ghenomen exempel ende vorme van levene.
Also die heilighe engel goeds sprekende was toten herdekine inder
nacht als Cristus geboren was, doen hi hem lieden grote bliscap
boetscapte, ende seide dat in dier nacht was geboren allen goeden menscen
die *behoudere Jhesus Cristus in die stat van Bethleem. Ende dat
soude hem sijn licteken dat dat waer ware: als si daer comen souden, si
souden daer vinden i kindekijn ghewonden in doekerkine ende gheleit
in die cribbe.
Bi desen iii poenten mogen wi wel verstaen dat Cristus ons lieden
es ghegeven van gode den vader in drie teekenen. Dats in teeken van
oetmoedicheden, ende dat mogen wi verstaen bi dat si dat vonden ghewonden
in doekerkine. Ende in teekene van zuverheden mogen wi ver staen
bi dat si dat vonden gheleit in i cribbe. Want die cribbe es scerp ende
daer bi verstaetmen scerphede van penitencien, bider welker men suverhede
behout.
Maer lacens, also staphans in die selve ewangelie staet gheclaegt, desen
teekene dat Cristus es, so wederseggen vele liede ende dat sijn die
minneers der werelt. Want die hoverdege die de ere vander werelt minnen,
die wedersegghen die teekine van omoedicheden; die ghierege die
tgoet van eerderike minnen, die wedersegghen die teekene van ermoe-
B 2361/2 Mat. 22:9-10 2376/82 Luc. 2:10-12 2392/3 n.g.
K 2379 behoudere] B G 1479, behoudenisse W 2385/7 dyngel – dat] B G 1479, om. W
V 2381 doekerkine: ‘doeken’; verkleinwoord van het meervoud van doec
27va