Download pdf - Textualscholarship.nl

2328
2332
2336
2340
2344
2348
2352
2356
5 Wech van salicheit 225
goede mate die sijn prelaet gheven can. Ghelijc dat men inden iersten
boec der biblen leest dat god ondersceedich was int ghebot dat hi gaf
Adame ende Yeven, want hi geboet Adame ende oerlovede dat si souden
eten van alden vruchten die inden paradise stonden, sonder alleene
van eenen bome.
Dit es dat een vanden oppersten rade der heiliger ewangelien, die
raet van onderhoricheden. Dese es ons van Jhesus Cristus bewijst in
dewangelie van sente Matheeuse, daer hi sprect aldus: Die mi volgen
wille, hi loechene sijns selfs, dats hi late sinen wille ende settene inden
wille van sinen prelaet. Sente Bernaerd seit aldus: Nem af dinen wille,
ende het en sal en geene helle zijn, dats te verstane: tes gheens behoef
die dus oetmoedich ende onderhorich es.
Van ermoeden |
Ermoede es, also i philosophe seit, moeder van heilicheden ende zalicheden
sonder sorghe. Dese ermoede es el niet dan i verloechenen van
propren te besittene. Ende dese ermoede es recht i versmaden vander
werelt ende van hoghen dinghen, also sente Augustijn seit: Ermoede es
die prijs daermen hemelrike mede coept. Sente Augustijn seit: Die
warachtich erm sijn wille en es in eerderike niet sculdich te besittene,
ja, met herten, met minnen ende met groter ghenuechten; maer al sijn
herte, al sine minne ende al sine ghenoechte es hi sculdich te hebben in
gode ende in dien dingen daer hi mede tot gode comen mach. Die erme
sijn gheroepen ter hemelscher maeltijt daer die ghierege, die onsuvere
ende die hoverdege niet werdich en sijn te comene. Also ons wel beteekent
staet in dewangelie ende ghefigureert, hoe dat vele liede te dier
maeltijt ghenoed waren, si sochten onsculde ende en wilden daer niet
comen.
Eenege hadden ghecocht v jocke ossen, entie moesten si gaen proeven,
ende also en mochten si niet comen te dier maeltijt no en wilden.
Bi desen sijn beteekent die ghierege.
Andre hadden genomen i wijf, ende daer omme en mochten sire
niet comen no en wilden. Bi desen sijn betekent die onsuveren.
Die derde maniere van lieden hadden ghecocht i stat; die moesten si
gaen sien ende also en mochten sire niet comen no en wilden. Bi desen
B 2328/30 Gen. 2:15-17 2333/4 Mat. 16:24 2350/2 cf. Mat. 22:1-14
K 2338 1479 heeft bij dit hoofdstuk 20 regels extra tekst.
V 2353 jocke (joc): ‘spannen’ 2353/4 proeven: ‘beproeven, uitproberen’
P 2353/4 proeven: pro afgekort door een p met een lus door de staart.
27rb