Download pdf - Textualscholarship.nl

224 Het Wiesbadense handschrift folio 26vb-27rb
2292
2296
2300
2304
2308
2312
2316
2320
2324
horicheden van Adame ende van Yeven, in dat si dat ghebot braken, die
dore van hemelrike besloten wert, also ghelijc es bider onderhorichede
van Cristus die dore van hemelrike weder ontdaen. In teekene van desen
so gaf onse heere sente Peetre den slotel van hemelrike, om dat sente
Peeter was gheheeten Symon. Ende Symon luidt also vele als die ghene
die onderhorich es, als of got daer in ons wilde gheven te kennen dat
die onderhorige den slotel van hemelrike heeft.
vi dingen sijn die den mensce seere helpen dat hi onderhorich si
ende blive.
Dierste es oetmoedichede ende cleenheit, ghelijc datmen siet dat i
roedekijn dat lanc es ende smal, dat boechsam es werwaert datmen
wille.
Dandre es goede costume ende *dat hi niet pleghet* te wedersegghene,
ghelijc datmen siet dat i | paert dicken rijt ende tallen siden keeret,
waer bi dat het niet wedersporich sal sijn alster in ghewone sal sijn
ende langhe gheploghen sal hebben.
Terde es die minne gods, ghelijc dat men siet dat dat was moru wort
jegen tfier ende dan machment wenden ende keeren daermen wille.
Also ghelijc es wie ontsteken es metten viere der minnen gods, hi es
moru, gheboechsam ende onderdanich te so wat dingen datmen ghebiet.
Tfierde es versmaetheit der werelt ende datmen hem bi wille of -
tre c ke den wille van allen lichaemliken dinghen; ghelijc dat men siet
dat een vacht op i partse hanghende hart ende stijf worden es: wildement
morwen of zochte maken, men moest ierst vander peertsen trecken.
Also ghelijc so es noetsakelijc den ghenen die onderhorich wesen
wille, dat hi hem selven oftrecke van allen titeliken dingen ende, also
ons David leert inden soutere, sijn herte altoes bereet hebben in onderhoricheden
om te doene so watmen hem ghebiet.
Dat vijfte es die gracie gods, ghelijc als men siet i leder: alst ghesmout
es, so eest moru ende gheboechsam. Also gelijc es die mensce
gewillich onderhorich, als hi van binnen bestreken es metter olien der
gratien gods.
Tseste es dat den mensce seere helpt dat hi si ende blive onderhorich,
dats ondersceedenhede vanden ghenen die boven hem es ende die
B 2318/9 cf. Ps. 118(119):112, Ps. 56(57):8
K 2303 dat hi niet pleghet] B G 1479, hi dat niet pleghe W
V 2307 moru (morwe): ‘week, zacht’ (hier gezegd van ‘was’) 2312/3 hem ... oftrecke (aftrecken): ‘zich ...
verwijdert, afkeert’ 2314 partse (perche): ‘(kleer)hanger’ 2315 peertsen (perche): ‘(kleer)hanger’
2320/1 ghesmout (smouten): ‘ingesmeerd met vet’
27ra