Download pdf - Textualscholarship.nl

2260
2264
2268
2272
2276
2280
2284
2288
5 Wech van salicheit 223
troesten den ghenen die in weeninghen es ende in seericheden, ende
compassie van herten hebben op alle de ghene die in dogene sijn.
Die vii lichaemlike leeren den menscen den ghenen geven die noet
heeft, entie vii gheestelike leeren den mensce vergheven die misdaen
heeft. Dese zijn alle creatueren sculdich te werkene op haren evenkersten,
also ons bewijst die heilige scriftuere. Die wise man sprect aldus
toten sondare: Hebbe ontfermicheit op dine ziele ende gelieve gode;
als of hi segghen wille: Niemen en mach gode ghelieven, no alle die
werken van ontfermicheden die de mensce doet op andren die en mogen
gode niet bequamelec wesen, het en si dat hi compassie ende eene
ontfermicheit hebbe op sijns selves ziele die seere besondicht es, ende
vanden zonden suvere warachtelike hem.
Vanden rade der heileger ewangelien int ghemeene |
Ghesien vanden state van gherechticheden ende i deel dat daer toe behoert,
nu weten besien vanden state van volmaectheden, die welke es
die staet van rade ende van sonderlinger ghiften van gode. Te desen
state behoeft ons dat wi kennen welc sijn die rade vander heiliger
ewangelien, die gaven des heilichs gheests entie vruchten des heilichs
gheests.
Onder dandre rade der heiliger ewangelien so sijnre iii sonderlinge
boven alle, daer alle heilige religioene, also sente Bernaerd seit, op ghefundeert
sijn, dats onderhoricheit, ermoede ende suverheit. Ermoede
es dat fondement, suverheit de wech, ende onderhoricheit dat decsel.
Van allen desen suldi vinden hier na.
Vanden iii raden der ewangelien sonderlinge. Van onderhoricheden
Onderhorichede es, also sente Augustijn seit, een wille van te doene
dat ghebot des gheens die boven hem es. Onderhoricheit es leeringe
van Cristus, want Cristus leeret ons daer in dewangelie ende sprect aldus:
Ic daelde vanden hemele, niet om dat ic doen soude minen wille,
maer den wille mijns vader, die mi ghesent heeft. Oec leert ons Cristus
onderhoricheit inder tijt van siere bitter doet als hi die werelt liet, doen
hi sprac te sinen vader aldus: Vader, niet also ic wille moet ghescien,
maer also ghi wilt.
Onderhoricheit es die slotel van hemelrike, want ghelijc dat bider over-
B 2263 n.g. 2285/6 Joh. 6:38 2288/9 Luc. 22:42
K 2281 1479 heeft bij dit hoofdstuk 44 regels extra tekst.
V 2271 weten besien: cf. 789, 1382
26vb