Download pdf - Textualscholarship.nl

2192
2196
2200
2204
2208
2212
2216
2220
2224
5 Wech van salicheit 221
nich moet sijn den minsten, ghelijc dat die prelaet moet sijn onder die
ghene die onder hem souden sijn. Dusdane vrede hadde Adam als hi
onderdanich was Yeven ende inden verbodenen appel beet ten versoeke
van Yeven, daer si bat sculdich hadde gheweest hem onderdanich te
sine ende hi haer te gebiedene.
Van ghedoechsamheden
Ghedoechsamheit es, also sente Gregorius seit, eene doghet bider welker
alle ander doegden worden gheproeft. Dus so es gedoechsamheit i
ghemein doget. Die gedoechsam wesen wille, hi es sculdich te hebben
eenen scilt van iii hoeken, om dien scilt te worpen jeghen alle doegen.
Inden nedersten hoec es sculdich te wesene die vreese vander pinen
vander hellen, inden rechtren hoec die minne entie begerte vanden
eweliken lone, ende inden luchtren hoec die gedenckenisse vander passien
ons heeren. Dese scilt ontfaet de schichte van allen dogene, dats te
verstane, scade van goede, quetsinge van lichamen ende versmaetheit
van woerden. Die gedoechsamige es van gode ghenoet ter maeltijt vander
bliscepe van hemelrike in die ewangelie boven andre creatueren.
Want om dat die gedoechsame alre openbaerlijcste *dragen de* teekene
van Jhesus Cristus in haren lichame, | dats versmaethede, ermoede
ende doghen, so eest recht dat si die bliscepe ende dat ewelike leven
besitten in sijn rike. Want also sente Pauwels bescrijft: Op dat wi met
gode deelachtich willen sijn in sine passie ende aen sijn doeghen, so
sellen wi wesen deelachtich aen sine verrisenisse, aen sijn solaes ende
aen sijn vertroesten.
Onse heere sprect in dewangelie van desen woerde van deser ghedoechsamhede:
Salich sijn alle die persecucie ghedoghen om die gherechtichede,
want haer lieder es dat rike gods. Dit woert es elc wel
sculdich te merkene dat dese persecucie ende andre dogen moet sijn
ghedoecht uut minnen van gerechticheden, salmen loen daer af ont -
faen van gode. Ende niet om den strijt van eerdschen goede daer die
heeren heden sdages seere om striden, niet ute minnen der gherechtichede
dats te duchtene, no ute breken die si hebben, maer dicke ute
groetheden ende uut enen quaden wille; ende niet als enege andre liede,
beede groet, middele ende cleene, die heden sdaegs vele in doghene
sijn, ende comen om den prijs vander werelt te ghecrigene ende te
besittene, of ute dronkenscepen of ute ontameliken wandelingen, in
onsuveren levene, of bi overdadegen woerden, of bi dat si hem selven
niet kennen en willen noch anderen verdragen. Dese en gedogen niet
B 2209/12 Rom. 6:5 2214/5 Mat. 5:10
K 2194 1479 heeft bij dit hoofdstuk 33 regels extra tekst. 2206 dragen de] 1479, dragende B G W
26rb