Download pdf - Textualscholarship.nl

2132
2136
2140
2144
2148
2152
2156
2160
2164
5 Wech van salicheit 213
Van zuverheden
Suverhede van herten es, also sente Augustijn seit, dat oghe daer men
gode mede siet. Ende daer bi, also hi seit, so sijn si seere dul die gode
soeken metten utersten ogen, dien men alleene metten binnensten
ogen, dats met eender suver herten, sien mach. Sente Bernaerd seit:
Vele liede sijn die vele dingen kennen, ende si en kennen hem selven
niet; si soeken gode bi desen utersten dingen, ende nochtan es god in
hem lieden. Sente Bernaerd seit: So die mensce bat hem selven kent, so
hi naerre comt der kennissen van gode. Drie dinghen sijn die den
mensce suver maken van herten.
Dierste lesen [wi] in die heilighe scriftuere, want alsomen in
doude wet wel vijnt ghefiguereert inden andren boec der bible biden
lavore vanden tabernacle, daer ii dinghen in waren, dats te weten i
scoen spieghel ende suver water. Also ghelijc, so wie die heilige scriftuere
leest, hi vinter in eenen spieghel, op dat hise verstaet, daer hi
sine |zonden ute kent, ende hi vinter in water daer hi sine zonden mede
dwaet.
Dander es tranen, also die prophete David bescrijft, van weeningen:
Met minen tranen salic mijn bedde dwaen, dats te segghene, mijn consiencie
zuveren. Maer die tranen hebben iii condicien. So sijn heet ende
bitter ende si sijn asscachtich. Also ghelijc sijn die tranen die den men -
sce suver maken sullen van herten: si moeten sijn heet van devocien, bitter
bi berouwenissen ende aschachtich bi dat de mensce pense om sine
doet. Want in sine doet en wort hi el niet dan assche.
Terde es aelmoesen gheven. Sente Jacop bescrijft: Ghelijc dat water
bluscht vier, also bluscht aelmoesene de zonden. Sente Lucas be scrijft:
Gheeft almoesene ende alle dinghen selen u suver worden.
Drie andre dingen sijn die den mensce suver maken van herten.
Dierste es die bessem vander biechten, daer of dat i leerare seghet:
Sprec dicke dine biechte, want bider biechten wort de ziele vernuwet.
Dander es die vile van correxien, want ghelijc dat die vijle dyser suvert
van roesticheden, also suvert correxie therte van smetten. Terde es,
also sente Gregorius seit, die forneys van tribelacien ende van dogene.
Want ghelijc dat tforneys zuvert tgout, also zuvert dat dogen met verduldicheden
therte van zonden, also inden zouter bescreven staet.
Dese die aldus suver sijn van herten, sijn wel zalich, want also hem lie-
23vb
B 2143/4 cf. Ex 38:8 2148/9 Ps. 6:7 2155/6 Sir. 3:33(30) 2156/7 Luc. 11:41 2164/5 1 Petr. 1:7, cf.
Ps. 65(66):10
K 2141 es lesen] B 1479, lesen G, lesen wi W
V 2143 lavore: ‘wasbekken’