Download pdf - Textualscholarship.nl

212 Het Wiesbadense handschrift folio 23rb-23vb
2100
2104
2108
2112
2116
2120
2124
2128
hi mochte erm worden, of hi hevet gheweest of sine vorders; aldus
mach die mensce beroert worden te ontfermicheden op sinen evenkersten
die in ermoeden of in doghene es, alse hi om de sijns selves penst.
Also de wise man seit sinen zone: Ute di selven kenne wat dinen evenkersten
noet es.
Terde es pensen ende merken hoe seere god die erme mint. Want hi
mintse so zeere dat hise rekent sine lede, also hi selve in dewangelie beliet:
so watmen den ermen doet in sinen name, dat doetmen hem selven.
Dus so es die mensce sculdich ontfermich te wesene ute den iii redenen
vorseit. Deser gewerke van ontfermicheden sijn xiiii, dats te
weten vii die gheheeten sijn die vii werken van ontfermicheden li -
chaem like, ende vii die gheestelic sijn. Alle dese xiiii suldi hier na vinden.
Dese die dus ontfermich sijn, sijn wel zalich, want si sullen ontfermicheit
ghecrigen aen gode, also sente Augustijn seit: Grote
salicheit eest ontfermicheit ghecrigen van gode. Want sente Jan seit:
Niement en leeft sonder zonde. So wie ontfermicheit aen gode ghecrigen
wille je ghen wien hi misdaen heeft ende die boven hem es, hem es
noet | dat hi ontfermich si den ghenen die jeghen hem misdaen hebben
ende boven wien hi es. Dat raed ons onse behoudere Jhesus Cristus in
dewangelie daer hi sprect alse die ghene die ons bewijst den wech hoe
god ons ontfermich wesen mach, ende seit aldus: Sijt ontfermich alse u
hemelsce vader ontfermich es. So wie ontfermicheit aen gode ghecri -
ghen wille, hi moet ontfermicheit op sinen evenkersten werken. Also
in dewangelie staet bescreven: Met so wat maten wi andren meten, so
sal ons god meten. Want also die prophete David bescrijft: God es i
gherechtich *vonnisser ende sterc, ende daer toe vreedsam ende ontfermich
sijnde, ende *sparende die ghene die op anderen ontfermich
sijn. Dese ontfermicheit es recht die slotel daer men den hemel mede
ontdoet, want ontfermicheit es alleene die doget daer god de sentencie
van sinen vonnisse ten lesten daghe op formeren sal, als in dien dat niemen
sonder alleen ute ontfermicheden behouden worden sal, alsomen
hier na vinden sal.
23va
B 2101/2 n.g. 2105/6 Mat. 25:40 2114 1 Joh. 1:8 2119/20 Luc. 6:36 2122/3 Mat. 7:2 2123/4 Ps.
7:12 2125 cf. Ps. 85(86):15
K 2123 David: doorstreept/doorgehaald, mogelijk door een latere hand. De reden is onduidelijk. Aangezien
prophete David een gangbare aanduiding is voor het boek Psalmen, is het woord David in de editie
opgenomen. 2124 vonnessere] B 1479, vonnisse G W 2125 sparende] B, sparen G W, var. 1479
V 2098 vorders, znw.: ‘voorouders’ 2108 vorseit: cf. 2085/2106
P 2127 hs. desentencie