Download pdf - Textualscholarship.nl

2064
2068
2072
2076
2080
2084
2088
2092
2096
5 Wech van salicheit 211
aldus hebben uut minnen een scerp begeren, dats honger
ende dorst, na der gherechticheit. Die gherechtige sijn welzalich, want,
also hem onse heere belovet, si sullen worden ghesaed ende ghevoed
vander spisen gods. Doen wi dan den wille gods, des vader van hemelrike,
wi sullen drinken vanden watre der fonteinen die springende es
in deewelike leven.
Van ontfermicheden
Ontfermicheit es, also Albertus seit, eene doghet bider welker men
mach verdienen of ghewinnen hemelsce dingen om deerdsce dinghen.
Twee doegden sijn die seere hoechelike van gode ten utersten daghe
gheloent sullen worden, dats minne ende ontfermichede. Want minne
maect andre lieden dogheden hare, ende ontfermicheit maect andre lieden
doeghen hare. Wie in minnen staet van gode ende van sinen evenkersten,
also David die prophete bescrijft inden souter, hi es deelachtich
ane alle die ghene die gode onsien, dats ane alle de goede
ghewerken diemen in die heilighe kerke doende es. Ontfermichede,
also sente Pauwels bescrijft, gelijc dat die goede menscen ghesellen of
deelachtich hebben geweest met ontfermicheden ende met compassien
aen haers evenkerstens doegen in eerderike, also ghelijc sullen si deel -
achtich sijn ane dat solaes ende ane die bliscepe die hi over dat dogen
ontfaen sal in hemelrike.
Drie dingen sijn die den mensce beroeren te ontfermicheden. Deerste
es ghelijchede van naturen, | want wi hebben alle i beghinsel ende
sijn alle van eenen vader ghemaect ende kindere van eenen god, ende
wi sijn alle ghebroeders, also inden iersten boec vander biblen staet
ghescreven van Joseph ende van sinen broeders, ende i vleesch. Wie es
die noyt sijn vleesch haten mochte, also men seit in i ghemeen woerd.
Niet temeer siwi sculdich te hatene noch te latene die arme. Want
Ysayas die prophete seit ende rekent die erme sijns selfs vleesch, daer
hi ons leert ende seit aldus: Alstu eenen naecten sies, cleettene ende en
versmaet dijns selves vleesch niet.
Dander es pensen ende merken sijns selves noet ende sine keytivichede,
want die mensce es licht in node ende in keitivicheden, in gheliken
saken of in anderen, inden lichame of in die ziele, of hi es arm of
23rb
B 2071/2 Ontfermicheit - dinghen] cf. CTV, lib. 5, cap. 52 – ed. p. 190 2076/8 n.g. 2079/84 cf. 2 Kor.
1:4-5 2088/9 cf. Gen. 37:27 2092/4 cf. Jes. 58:7
K 2063/4 moghen – die] B G, om.W, var. 1479