Download pdf - Textualscholarship.nl

210 Het Wiesbadense handschrift folio 22vb-23rb
2028
2032
2036
2040
2044
2048
2052
2056
2060
Van weeninghen
Weninghe es, also Albertus seit, een *haten der dinc diemen beweent,
ende dats te verstane alleene uut minnen. Deser weeninge sijn iii manieren.
Dierste es weeninge uut compunctien, dats ute berouwenissen van
zonden, als die mensce uut bitterheden van herten beweent sine zonden
of sijns evenkerstens zonden.
Dander es weeninghe uut compassien, dats als die mensce weent uut
ontfermicheden op sijns evenkerstens dogen.
Terde es weeninge uut devocien, dats dat de mensce uut bedingen of
uut lesene of uten woerde gods te horene, of ute dat hi peist wat hem
Cristus ghedaen heeft ende om sine bittere passie ende om den hoghen
loen daer god den mensce toe gheroepen heeft, ende also uut devocien
wort weenende.
Dat rike gods moeten wi gecrigen met onsen tranen. Dese tranen
sijn seere crachtich ende sterc in bedinghen, also sente Bernaerd seit, si
comen vore gode ende daer ghecrighen si dat si eischen; hare viande
diese wroeghen willen, si doense swighen; den onverwinliken, dats
gode, verwinnen si ende den almogenden.
Ses dinghen sijn die den mensce beroeren te weenene. Dierste es
peisen om sijns selfs zonden ende die bekennen. Dander es peisen om
die keitivichede der werelt ende daer in hebben i verlanghen. Terde es
die vreese vander hellen. Dat vierde es peisen om die passie ons heeren.
Dat vijfte es peisen om dat doghen ons evenkerstens. Ende dat
seste es peisen om dat hemelrike ende daer toe hebben een begheren.
Al dese poente staen wel geproeft bider scriftueren.
Van gherechticheden |
Hongher ende dorst hebben na die gerechtichede es, also Albertus seit,
een neernstich of een scerp begheeren der gherechtichede. Van deser
gherechtichede staet vore geseit. Alle menscen sijn sculdich te hebbene
i scarp ende i nerenstich begheren ter gherechtichede ende niet anders
te begherene. Dat leert ons onse heere in dewangelie, daer hi
sprect aldus: Soect ierst dat rike gods, dats te verstane int werken, ende
alle andre dingen dat u noet sal sijn vanden lichame, die sullen u van
gode toecomen. Sorgen wi dan alleene hoe wi gode in gherechticheden
B 2029/30 cf. CTV, lib. 5, cap. 50 – ed. p. 189 2055/6 Hongher – gherechtichede] cf. CTV, lib. 5, cap. 51
– ed. p. 190 2059/62 Mat. 6:33
K 2029 haten] B G 1479, baten W 2053 Na scriftueren heeft 1479 een passage extra (7 regels in de druk).
V 2057 vore geseit: cf. 1759/75
23ra