Download pdf - Textualscholarship.nl

1996
2000
2004
2008
2012
2016
2020
2024
5 Wech van salicheit 209
den anderen te sprekene. Die mensce es sculdich te wesen goedertieren,
dat bewijst hem wel natuere, figuere ende die heilige scriftuere.
Eerst natuere bewijst den mensce te wesene goedertieren. Want
Aristoteles bescrijft dat de mensce es een dier goedertieren van naturen;
ende ghelijc dat die libaert es van naturen wreet, also es die men -
sce goedertieren bi natueren.
Anderwerven die figure, dats die vorme van sijns selfs lichame bewijst
den mensce te wesene goedertieren. Want die mensce en heeft
scarpe tande, noch grote monde, noch lange naghele als andere quade
diere vele doen, die verbiten of verswilgen of scoren of slaen; maer die
mensce heeft plompe tande ende corte, ende eenen cleenen mont ende
corte naghele, i blide ansichte, i sochte huit, in teekene dat hi sculdich
es te wesene goedertieren bi naturen. Ende in teekene van desen so
sietmen als die mensce gram es, hi wort al anders ghedaen van ansichte,
ende scijnt recht dat hi laet die natuere vanden mensce ende wordt
eender beesten ghelijc.
Ende derdewerf die heilighe scriftuere bewijst den mensce te wesen
goedertieren inden boec van Jheremias den prophete, daer hi sprac inden
persoen van onsen behoudere Jhesus Cristus als ons leerende ende
exempel ghevende van goedertierenheden aldus: Ic ben goedertieren
als i lam datmen draegt ter offeranden waert.
Dese goedertierne sijn wel salich, want also hem Cristus daer belovet
in dewangelie, si sullen besitten dat lantscap van levene, dats die
bliscap van hemelrike. Ende dats bi iii redenen. Eerst bider redenen
dat si in eerderike gode beseten hebben. Want sente Augustijn seit:
God en sal niemens besittinghe sijn dan des gheens die gode eerst be -
seten sal hebben. Anderwerf bi dat si hare herten besitten connen ende
hare moede bedwinghen, dwelke die gramme niet en connen. | Ende
hier bi staet voren gheseit dat goedertierenhede sluit uten mensce
gramscepe. Ende ghelijc dat sente Pauwels seit dat die gramme niet en
sullen besitten dat rike gods, want si hem selven niet en besitten no bedwinghen
en conen, also machmer bi verstaen ende wel segghen dat
die goedertierne selen besitten dat lantscap van levene, dats dat rike
gods, want si hem selven in haer leven besitten ende bedwinghen connen.
B 2012/3 Jer. 11:19 2014/6 Mat. 5:5 2022/3 Gal. 5:21
22vb
K 2027 Na connen heeft 1479 bijna een bladzijde extra tekst (22 regels in de druk). Deze tekst begint met
ende derdewarf en geeft uitleg bij de derde reden die ook in de handschriften is aangekondigd (2016 dats
bi iii redenen) maar daar niet wordt behandeld.
V 2021 staet voren gheseit: cf. 1760/73