Download pdf - Textualscholarship.nl

206 Het Wiesbadense handschrift folio 21va-22ra
1888
1892
1896
1900
1904
1908
1912
1916
1920
Ende vijftewerf wille wi oec merken die dingen die onder ons sijn.
Wi vindender in sake van ons te veroetmoedegene, want aenscouwen
wi de eerde, wi sien daer onse graf; aenscouwen wi tfier, wi sien daer
den torment vanden zonden; aensien wi die beesten, wi vinden dat si
sterker sijn dan wi; aensien wi de vogele, wi vinden dat si lichter sijn
dan wi; ende aensien wi dat op die eerde wassende is, wi vinden oec dat
deerde wassende es, bringhende beter vrucht dan wi. Dus so hebbe wi
in alle manieren saken van ons te veroetmoedegene.
Die mensce is sculdich hem te vernederen ende te veromoedeghen
om iii saken, ghelike datmen siet dat i mensche pleegt te stuipene om
iii saken wille. Eerst die mensce pleegt te stuipene als hi sinen hoefde
siet naken i sweert, anderwerf als hi dore i nedere dore moet liden,
ende derdewerf als hi iemene die meerder es dan hi, neder sitten siet.
Aldus es die mensce hem sculdich te veroetmoedeghene. Eerst om
dat sweert vanden vonnisse dat op hem gheheven es ende om dat, | also
sente Jan leerende was in die woestine, die aex es nu inden boem ghe -
slegen om den boem, dats de mensce die gheene vrucht en brengt van
goeden werken, af te houwene ende int vier vanden eweliken tormente
te worpene.
Anderwerf om dat de mensce liden moet die nedere dore, die Cris -
tus selve es, also hi orcont in dewangelie daer hi sprect aldus: Ic ben die
dore, so wie die in gaet bi mi, hi sal behouden worden. Dese ghebenendide
dore, Jhesus Cristus, dore de welke wi liden moeten, sullen wi
comen ten eeweliken levene, . Ende daer bi
so leert ons onse behoudere Jhesus Cristus dese ghebenendide corte
lesse van oetmoedicheden, alse alle andre leeringe daer in sluitende
ende als dat en gheen andre wech en es ten eweliken levene waert, daer
hi sprect aldus: Leeret van mi dat ic ben goedertieren ende omoedich
van herten.
Ende derdewerf es die mensce hem sculdich te veromoedegene om
dat hi siet dat onse behoudere Jhesus Cristus, die god was ende men -
sce, hem so vernedert heeft te sinen vader als toter doet vanden cruce.
Aylacen, dat Cristus selve met doghene ende met *vernedertheiden,
also in dewangelie bescreven staet, in sijn rike ende in sijn propre glorie
comen moeste, hoe soude die mensce, die ballinc es uten rike gods
overmids den zonden, ter bliscepe ende ten rike gods comen moghen
bi hoverdicheden of bi eenen andren weghe dan Cristus daer toe
quam? Ende hier bi mach men wel segghen dat die creaturen sijn uten
weghe der waerheit ende seere in dole die in hare hoverdichede staen,
B 1900/3 cf. Mat. 3:10 1905/6 Joh. 10:9 1912/3 Mat. 11:29 1917/9 cf. Luc. 24:26
K 1908 es – oemoedich] B G 1479, om. W 1917 vernedertheiden] B 1479, vernederten G W
21vb