Download pdf - Textualscholarship.nl

202 Het Wiesbadense handschrift folio 20rb-21ra
1744
1748
1752
1756
1760
1764
1768
1772
1776
dingen verdraghende es om des gheens wille dien si mint. Sterchede
staet in viere dingen, dats in datmen manlike aenneme herde dingen of
scerphede van penitencien, in datmen versmade eerdsche dingen, in
datmen verdraghe tribelacien ende doghene, in datmen versta ende wedersta
die temptacien vanden viant ende verwinne die zonden.
Stercheit es ghelijc eenen stiven stocke. Die stoc die stijf es, es noet -
sakelijc in drie manieren, dat sijn pelgrine, pijnres ende campioene.
Want also ghelijc also lange als wi in dese onghestadege werelt sijn, so
siwi alle sculdich te sine als pelgrime die ten eweliken | levene waert
gaen de sijn, als pijnres die daer omme pinende sijn, ende als campioene
die jeghen die zonden vechtende sijn. Ende also ghelijc so es ons allen
noetsakelijc desen stiven stoc van stercheden, waer bi dat wire ons
als pelgrime ende pijnres mede op onthouden mogen met verduldicheden
in allen doghene, ende als campioene mede verweren moghen
alle temptacien ende occusoen van zonden.
Van gherechticheden
Gherechtichede es, also sente Augustijn seit ende andere leeraers
ghemeenlike, eene doget die elken tsine ghevende es. Ende hier bi seit
sente Augustijn: So wie hem selven gode nemt, dats uten dienste van
gode trect van wien hi ghemaect es, enten quaden gheest dient in zonden,
hi es ongherechtich. Seneca seit: ii dinghen behoren toe der gherechticheden,
dats datmen hebbe den wille van allen lieden wel te doene,
ende dat men hebbe den wille van niemen quaet te doene.
Gherechticheit staet in vi dingen: in onderhoricheden: die siwi sculdich
die boven ons sijn; in disciplinen ende in correxcien, dats: in begripingen
van minnen sijn wi sculdich den ghenen die onder ons sijn;
in ghelijcheden: die siwi sculdich die neven ons sijn; ende in minnen,
in waerheden ende in ghetrouwicheden. Ende dese vi siwi sculdich
ghemeenlike alle menscen.
Dese gerechtichede es ghelijc enen manpade, want ghelijc dat i manpat
es die rechste wech ende die cortste, also ghelijc so comtmen alre
sekerst ende alre ierst ten rike gods biden weghe van gherechticheden.
Vanden viii salicheden int ghemeene
Na dese vii dogheden vorseit, de welke ons leeren hoe wi ons sculdich
20va
B 1744/8 Sterchede staet – zonden] cf. CTV, lib. 5, cap. 35 – ed. p. 181 1760/1 Gherechtichede – ghevende
es] cf. CTV, lib. 5, cap. 37 – ed. p. 183
V 1750 pijnres (piner): ‘beulen’ 1777 vorseit: cf. 1380/92 en navolgende hoofdstukken
P 1773/4 manpat: de n heeft abusievelijk drie poten.