Download pdf - Textualscholarship.nl

1716
1720
1724
1728
1732
1736
1740
5 Wech van salicheit 201
ore leghet aen deerde vaste ende dander ore stoppet met sinen steerte,
om dat niet horen en sal dat soete luit daer mede datment meent te
vane. Aldus so es die warachtige wise man die temptacie vanden viant,
daer hi de menschen mede vaen wille ende trecken ten zonden, niet
sculdich te horene noch daer op te lettene met enighen zinne met genuechten,
| maer den viant te scerene te drivene met dat hi sine eene ore
stoppe met sinen steerte, dats met dat hi peise om sine doet ende om
sinen utersten dach, also ons die wise man leert, ende met dat hi dander
ore stoppe metter eerde, dats met dat hi peise ende merke sijns selves
broescheit. Want also ons heere sprekende was tot Adame: Die
mensce es asscen, ende hi sal worden verkeert in asscen. Andre condicien
ende subtijlheden heeft dat serpent oec, die de wise mensce es
sculdich te volghene gheestelike.
Van temperancien
Ghemaetheit es, also sente Augustijn seit, eene affectie ende eene do -
ghet bider welker die mensce bedwingende es alle ongheordeneerde
ghenoechten vanden zinnen vanden lichame, ende also Macrobius seit,
in ne gheenen dinghen boven maten gaen, maer onder dat joc van redenen
der ghenoechten. Dese ghemaetheit staet in drien, dats in soberheden
van etene ende van drinkene; in continencien, dats in maten
van lichaemliker ghenoechten; ende in modestien, dats in maten van
woerden ende in maten van daden, ende van anderen sinnen, dats in
horene, in siene, in riekene, in smakene ende in ghevoelene.
Ghemaetheit es ghelike eenre gheesteliker voesteren die spaent de
kindere gods ende trecse uut allen overtollicheden, vleescheliken ghenuechten
ende eerdschen idelheden, ende maecse gheestelijc ende ripe
in al haer doen ende in al haer spreken.
Van stercheden
Sterchede es, also sente Augustijn seit, eene minne die lichtelijc alle
20rb
B 1720/3 cf. Sir. 7:40(36) 1724/5 cf. Gen. 3:19 1731/7 ende also – ghevoelene] cf. CTV, lib. 5, cap. 35
– ed. p. 181
K 1739 overtollicheden] W, overtollighen B G, var. 1479
V 1715 stoppet: ‘stopt het dicht’ 1716 dat (1): samentrekking van dat het 1738 spaent (spanen): ‘aantrekt’
P 1735 lichaemliker: hs. lich|haemlicker, geschreven over twee regels.