Download pdf - Textualscholarship.nl

198 Het Wiesbadense handschrift folio 19rb-19vb
1612
1616
1620
1624
1628
1632
1636
1640
1644
moeder ende van anderen vrienden es sculdich te wesene ondersceet,
want also sente Jheronimus seit, also lange sijn wi vader ende moeder
sculdich teerne ende te minnen, alsi ons en gheen belet en sijn te gode
te comene. Want onse heere sprect in dewangelie: So wie vader ende
moeder meer mint dan mi, hi en es mijns niet werdich. Hier mach elc
merken dattie kindere te seere vader ende moeder minnen moghen of
andere vriende ter werelt, die om haren wille of om haer eere of om
haer rijcheit te besittene laten gode te volghene ende haer zalichede;
ende also gelijc so misdoen vader ende moeder dat si haer kindere te
seere minnen: si en leerense niet te dogheden hem voegen, si en castiense
niet no correngeren van haren quaden zeden in hare jonchede,
alsmense boghen soude moghen ghelijc den roedekine, maer si tre c -
ken se op te ydelheden ende si latense daer in wassen, ende in desen
heeten sise minnen ende inder waerheit si en doen. Want de wise man
seghet: Die de roeye spaert, hi haet sijn kint. Dese sijn ghelijc enen
man die was geheeten Hely, daer af ghescreven staet in de bible inden
iersten boec der Coninge, dat hi, om dat hi sine kindere meer eerde dan
gode ende niet en begreep van hare quaethede, grotelike van gode
gheplaecht wart, beide hi ende sine kindere ende sijn volc, also men
daer leest in die hystorie. |
Hoe die man sculdich es te minnene sijn wijf ende dwijf haren man
Sente Pauwels seit dat die mensche es sculdich te minnen sijn wijf, also
Cristus ghemint heeft die heilige kerke, dat was om die zalichede vander
heiliger kerken die hi begerde. Also es die minne sculdich te wesen
tusschen man ende wijf, om die zalichede van hem beiden. Entie man
es sculdech te minnen sijn wijf als sijns selves lichame, want ghelijc dat
Yeve was van Adams lichame, also zijn de ghene die in huwelike sijn
twee in eenen lichame. Ende daer bi es dat vingherlijn teeken van huwelike,
dwelke die brudegom gheeft der bruit. Ende dat stect men ane
den echtersten vinger sonder eenen, aen die rechter hant, daer die adere
vander herten comt, in teekene dat si beide, man ende wijf, sculdich
sijn te hebbene i meenen ende eenen wille. Hier machmen merken dat
het es ydelhede dat iement vingerline draget, hi en ware in huwelike of
het en hiesche sine werdicheit. Ende hier mach oec elc merken dat die
niet wel haer huwelijc en houden, die met malc anderen niet in enicheden
van wille no van meeninghen en leven.
B 1613/4 Mat. 10:37 1623/4 Spr. 13:24 1625/9 1 Sam. 2:27-36 1631/2 Ef. 5:25
V 1627 begreep (begripen): ‘berispte’
P 1612 sculdich: de s gecorrigeerd uit een t.
19va