Download pdf - Textualscholarship.nl

1572
1576
1580
1584
1588
1592
1596
1600
1604
1608
5 Wech van salicheit 197
deren.
Anderwerf om dat wijst trecht van scrifturen, | dwelke ons heere
ons leert in dewangelie ende in meniger stede, dat wi onderlinghe minnen
zouden. Want god wille dat wi de minne die wi in hem hebben of
sculdich sijn te hebbene, die wi niet en sien, toghen souden of werken
op onsen evenkersten, dien wi zien.
Derdewerf om dat ons raedt exemple ende ghelike van creatueren.
Want alsomen seit ghemeenlike: Alle dingen verbliden in haer ghelike
ende minnen haer ghelike. Vele meer de mensce, die redene heeft ende
sculdich es na die redene te levene, es sculdich sinen evenmen sce te
minnene mids dat hem dit redene bewijst. Die mensce es sculdich sinen
evenkersten te minnen ende te helpene ende te verdragene, ghelijc
dat wi sien dat deen let vanden lichame den andren helpt. Deen let van
eenen lichame en benidet dandre niet; deen let deelt den andren sinen
dienst; deen let, al eest vanden anderen ghequetst, het en wreket niet;
deen let doghet als dandre in dogen es; deen let gheeft hem selven di c -
ke in vreesen om dandre te bescuddene, ende deen let ontsiet versceeden
te wordene vanden anderen. Aldus sijn wi sculdich onsen evenkersten
te minnene, te helpene ende te verdragen, want wi sijn alle lede
van eenen gheesteliken lichame, dats vander heiliger kerken, ende
Cris tus es onser alre hoeft. Die menscen sijn sculdich onderlinge te
minnen malc anderen, oec om dat si van eenen heilighen gheest levende
sijn gheestelike, om dat si een ghelove hebben, om dat si i doepsel
ontfaen hebben, om dat si eenen vader hebben ende eenen heere, om
dat si alle teenen rike gheroepen zijn. Dese minne van onsen evenkersten
mach ghedeelt sijn in drien, want de mensce es sculdich ierst te
minnene vader ende moeder ende sine naeste; dat wijf es sculdich te
minnen haren man, ende die man sijn wijf; ende elc mensce es sculdich
te minnene niet alleene sinen | vrient, maer oec mede, na den raet der
heiliger ewangelien, sinen viant. Van allen desen dryen vindi hier na.
Vander minnen van vader ende van moeder
Die mensce es sculdich te minnen vader ende moeder, want dat heet
hem god in dat vierde ghebot, daer hi hem heet dat hi vader ende moeder
eeren soude. Dats wel te verstane: minne, want eere sonder minnen
en es gheen eere, maer bat vreese ende onwertscepe. Die mensce es
sculdich teerne vader ende moeder, dats wel te verstane, uut minnen,
niet uut vreesen, met sinen lichame, met sinen goede, met goeden gewerken
hem na te volgen. Maer van deser minnen van vader ende van
B 1574/5 cf. o.a. Joh. 13:34 1599/1601 Mat. 5:44 1604/5 Ex. 20:12
V 1573 wijst (wisen): ‘voorschrijft, eist’
19ra
19rb