Download pdf - Textualscholarship.nl

196 Het Wiesbadense handschrift folio 18va-19rb
1536
1540
1544
1548
1552
1556
1560
1564
1568
dert hi niet. Sinen rade volgt hi, ende hi heescht van hem met betrounissen
so wat hi begert.
Aldus eest vanden ghenen die gode minnen in al desen puynten
vorseit, also men wel proeven soude mogen bider heiligher scrifturen
van elken i woert niet te lanc, ghelijc datmen wel proeven mach als
vanden echtersten poente, biden woerde dat onse heere sprect te sinen
jongheren, dats tote alle menscen die gode minnen ende hem navolgen
met goeden werken: Heescht, ende ghi sult ontfaen; soect, ende ghi
sult vinden; clopt, ende men sal u ontdoen. Ende biden woerde dat die
heilige profete David bescrijft | inden souter, sprekende toten goeden
mensce die gode mint: Hebt ene ghenoechte in gode ende eenen godliken
smake, ende god sal di gheven den heesch entie begerte van dijnre
herten. Te deser soetheden van minnen te comene es dupperste
weelde die wesen mach. Want also sente Augustijn seget: Wanneer die
mensce dese zoetheit vanden gheeste gesmaect, so en smaect hem en
gheen dinc na den vleesce. Entie wise man bescrijft ons aldus: Het sijn
gode grote weelden te wesene inder zielen metten goeden mensce in
eerderike, vele meer eest den mensce sculdich te wesene grote ghe -
nuechte ende grote weelde ghenoech te wesene met minnen in gode.
Vander minnen van ons selven
Die mensce es sculdich te minnen hem selven, also sente Augustijn seget,
alleene om dat hi gherechtich es of om dat hi gherechtich worden
moete. Want also hi selve daer seit: So wie hem selven anders mint, hi
mint qualike hem. Maer lacen, seit hi, die menscen sijn so blent worden
ende so doef, dat si alle haer dinghen – wijf, kindere ende cnapen,
cousen, cleedere ende wat dat es – willen hebben goet, sonder alleene
haer selves leven; dat willen si hebben quaet. Ay, seit hi, mensce, wat
heefti dijn leven misdaen, dattu alle dine andre dinghen wils hebben
goet ende selve wils leven quaet. Also hi oec seit: Alleene die can hem
selven minnen, die gode mint.
Vander minnen van onsen evenkersten
Die mensce es sculdich te minnen sinen evenkersten, dat sijn alle kerstene
creatueren, bi iii redenen.
Eerst om dat recht van natueren wijst, dwelke luidt aldus also ons
god leert in dewangelie ende Thobias leert sinen zone, ende men seget
in i ghemein woert: So wat ghi wilt datmen u doe, doet dat enen an-
18vb
B 1543/4 Mat. 7:7 1545/8 Ps. 36(37):4 1551/3 cf. Spr. 8:31 1570/2 cf. Tobit 4:16; cf. Mat. 7:12
1569/80 Eerst – ghelike] cf. CTV, lib. 5, cap. 31 – ed. p. 178
V 1539 vorseit: cf. voorgaande alinea