Download pdf - Textualscholarship.nl

1440
1444
1448
1452
1456
1460
1464
1468
5 Wech van salicheit 193
der heiligen, de verlatenisse van zonden.’ Dit es tiende puynt, ende dit
sette sente Symon. ‘Die verrisenisse vanden vleesce.’ Dit es dat elfte
puynt, ende dit sette sente Thadeus, dats sente Jude. ‘Ende ic ghelove
dat ewighe leven, amen’, dats zonder twifel. Dit es dat twaelfte puynt,
ende dit sette sente Mathijs.
Van hopen
Hope es, also die Meester van Sentencien seget, een seker verbeiden
der toecomender zalichede; uter gracien gods ende uut propren verdienten
spruiten dese. Hope sijn alle goede menscen sculdich te hebbene,
recht als een betrouwen in gode ende i versekernisse in hem selven
dat si dat ewelike leven besitten sullen. Maer sente Augustijn seit:
Dese hope, dit betrouwen moet spruiten uten goeden werken. Want hi
seit aldus: Sonder goede gewerke iet goeds hopen en es gheene hope
maer i verwaenthede.
Drie dingen sijn, also sente Bernaerd seit, daer bi dat die goede
mensce nu sijn hope in gode worpen mach. Eerst, om dat ons god so
hoechelike vercoren heeft, ja, als wi waren die kindere van gramscepen,
die kindere van demsterheden ende van zonden; vele meer sal ons
god dan nu gheven dat ewelike leven als wi worden die kindere van
lichte ende van gratien.
Dander es die waerheit van siere beloften. Want, | also ons sente Jacop
bescrijft, god die heeft beloeft die crone van levene den ghenen die
hem minnen. Ende daer om seit hi: Salich es hi die de becoringe ende
dat doghen vander werelt wel verdraegt ende vriendelijc nemt, want
als hi gheproeft sal sijn ende ghetrouwe vonden, so sal hi den loen ontfaen.
Terde is dat hi machtich es te volcomen dat hi ons belooft heeft.
Want, also die wise man seget, dat woert gods es vol moghentheden;
also men uter heiliger scriftueren merken mach, ghemeenlike gods
spreken es sijn werken.
Van minnen int ghemeene
Minne es, also die Meester van Sentencien seget, eene doget bider welker
men gode mint om hem selven enten evenkersten om god of in
gode. In minnen es sculdich te wesene ordenancie. Want ierst es de
B 1444/6 Hope – dese] cf. Petr. Lomb., Sent., lib. 3, dist. 26, cap. 1 – ed. p. 160, nr. 91; cf. CTV, lib. 5, cap.
22 – ed. p. 170 1449/51 Want – verwaenthede] cf. Petr. Lomb., Sent., lib. 3, dist. 26, cap. 1 – ed. p. 160,
nr. 91; cf. CTV, lib. 5, cap. 22 – ed. p. 170 1458/63 Jak. 1:12 1465 Pr. 8:3 1469/71 Minne – gode]
cf. Petr. Lomb., Sent., lib. 3, dist. 27, cap. 2 – ed. p. 162, nr. 97; cf. CTV, lib. 5, cap. 23 – ed. p. 172
1471/6 In minnen – lichame] cf. Petr. Lomb., Sent., lib. 3, dist. 27, cap. 2 – ed. p. 162, nr. 97; cf. CTV, lib.
5, cap. 30 – ed. p. 177
18ra