Download pdf - Textualscholarship.nl

192 Het Wiesbadense handschrift folio 17va-18ra
1404
1408
1412
1416
1420
1424
1428
1432
1436
ge dan hi gheloeft, no anders niet en leeft dan hi seegt dat hi gheloeft,
also vorseit staet. Ende het moet sijn groet, waerbi dat hi in gode ghelove
ende inder heiliger scriftueren, al en mach hijt niet sien metten
ogen of bevaen met siere verstannissen also sente Thomas dede. Ende
het moet sijn sterc, waerbi dat de mensce in sijn doghen niet en falgiere
maer in allen dogene ende in allen doegden volsta, also die heilighe
martelaers daden, die in dit warachtige gelove grotelike ende sterkelijc
gefondeert waren ende bi desen ghelove, also sente Paulus seit, die werelt
verwonnen hebben, gherechticheit ghewrocht hebben ende die belofte
van gode ghecreghen hebben.
In dat ghelove staen xii artiklen of xii puynte, ghelijc dat xii apostelen
waren die dit heilige gelove in desen xii articlen oerdeneerden
ende deelden. Dit ghelove heeft ons onse moeder die heilighe kerke
bewijst te connene, want wijt beliden moeten of iemen vore ons ter
vonten eer wi die name van Cristus ontfaen moghen. Hier om eest wel
noet dat elc kersten mensche sijn ghelove wete. Want i lerare seghet
dat scofierlec es elken kerstenen mensce datmen hem mach vraghen
enich poent van den ghelove daer hi niet toe andwoerden en can. Dit
sijn die xii ertikelen vanden gelove alsose elc kersten mensce meent te
belyene ende te sprekene daghelike in sinen credo. ‘Ic ghelove in gode,
den vader almachtich, sceppere van hemelrike ende van eerderike.’ Dit
es dierste erticle of deerste poent, ende dit sette sente Peeter. ‘Ende in
Jhesum Cristum, sinen enigen zone, onsen heere.’ Dit es dander
puynt, ende dit sette sente Andries. ‘Die ontfaen es van den heiligen
gheest, gheboren van Marien maget blivende.’ Dit es terde puynt, ende
dit sette sente | Jacop de meerre. ‘Die gepassijt was onder Pylato den
rechtere, ghecruist, ghedoet ende begraven.’ Dit es tfierde puynt; dit
sette sente Jan. ‘Hi daelde ter hellen.’ Dit es dat vijfte puint, ende dit
sette sente Matheus. ‘Den derden dach hi verrees vander doet.’ Dit es
dat seste puynt, ende dit sette sente Thomas. ‘Hi voer te hemele sitten
ter rechter hant sijns vader gods almachtich.’ Dit es tsevende puint,
ende dit sette sente Jacop de mindere ‘Die comen sal doemen levende
ende dode.’ Dit es dachtende puint, ende dit sette sente Philips. ‘Ic
ghelove inden heilghen gheest.’ Dat es dat negende puint, ende dit sette
sente Bertelmeeus. ‘In die ghemeene, heilige kerke, de ghemeenscap
B 1404/6 cf. Joh. 20:19-31 1410/12 n.g.
17vb
V 1404 also vorseit: cf. eerder in deze alinea 1413/42 Het toeschrijven van tekstdelen van het Credo aan
de apostelen kent een lange traditie; cf. Guyot 1993. 1424 sette (setten): ‘stelde in, verordende’
P 1415 Direct achter de regel die eindigt met deelden (17va21), heeft hand 7 in een lichtere kleur inkt een
kleine paraaf geplaatst.