Download pdf - Textualscholarship.nl

1368
1372
1376
1380
1384
1388
1392
1396
1400
5 Wech van salicheit 191
andre penitencie na den lichame doet sonder almoesene te ghevene, hi
es ghelijc den ghenen die de lampte ontstect daer gheen olie in en es:
die lampte mach roken, maer si en mach niet claerlijc bernen. Also es
des menscen vasten vore de liede, maer in die ziele en eest | niet claer
met minnen, no gode ontfanclijc.
Vierdewerf moet hi scuwen dat hi niet en vast om te bat sinen lichame
te voedene, ghelijc dat enege liede vasten om dat si te langere
ende te bat eten sullen, ende om eenen vastendach iii vastenavonde
maken, dats driewerven te meer eten. Dese sijn gelijc den ghenen die
gode gheven maer eenen penninc over iii hallinge, ende aldus bedriegen
si hem selven.
Vanden vii dogheden int ghemeene
Ghesien oec vanden state van penitencien ende hoemen uten zonden
verrisen mach te gracien bider medecine vanden heiligen sacramenten,
nu weten besien wat wi sculdich sijn te kennene om inden wech van
gerechticheden te levene. Ende daer toe behoeven ons te kennene die
vii doegden, daer na die viii salicheden, derdewerf die vii werken van
ontfermicheden.
Die vii doegden sijn dese. Die iii ierste zijn gheheeten godlike doegden,
want si ons leeren hoe wi ons sculdich sijn te voegene tot gode innechlike.
Ende dese doegden sijn gheheeten gheloove, hope ende minne.
Dandre viere sijn geheeten doegden cardenale, want si ons leeren
hoe wi ons sculdich sijn te voegene te gode int werken van buiten.
Ende dese doegden heeten aldus: wijsheit, ghemaetheit, starcheit ende
gherechtichede.
Vanden vii doegden sonderlinghe. Vanden gelove
Ghelove es, also sente Pauwels bescrijft, fondement van gracien, dats
van allen doegden ende van glorien. Ende ghelijc datmen siet dat i fondement
lettel es wert, daer en ware op ghemetst, also inder waerheit te
spreken, also sente Jacob bescrijft, ghelove sonder dat werc es doet vore
gode. Wat helpt dat ic segge dat ic in gode gelove of dat ic god minne,
op dat ic niet en houde sijn heilige ghebode? Sente Jan seget: So wie dat
seghet, hi liegt. Want metten ghewerke so proeftmen die minne, ghelijc
datmen | bider vrucht bekent den boem. Ghelove daert gherecht sijn
sal, het moet sijn warachtich, waerbi dat de mensce anders niet en seg-
17rb
17va
B 1394 cf. Hebr. 11:1; Gal. 2:16, 3:11 1394/5 Ghelove – glorien] cf. CTV, lib. 5, cap. 19 – ed. p. 167
1397/8 Jak. 2:17, 26 1399/1400 cf. 1 Joh. 1:6, 10 1400/1 cf. Mat. 12:33
V 1377 hallinge, cf. hallinc: benaming van een kleine munt ter waarde van een halve penning 1382 weten
besien: cf. 789