Download pdf - Textualscholarship.nl

184 Het Wiesbadense handschrift folio 16v-17ra
1348
1352
1356
1360
1364
/verdwenen tekening rechts: sint Bernardus/
/opschrift boven tekening:/
Sinte Bernaerdt
/onder de tekening, tekst in kader:/
1 Och, wat eest dat hi verliest,
die tijt vor ewicheit kiest.
Och, wat is dit corte leven;
4 die hem bedenct, mach wel beven.
Want wie dese werelt wel besiet,
so en sach nyeman scoenre niet. |
- - - - - - - - - - - - -
in desen pot worpen, dats bi wilen te borne ende te brode vasten, op
datment vermach. Ende oec so moetmen roeren dat in desen pot es,
dats te segghene datmen den lichame besich houden moet altoes in iet
goeds te doene. Want also in dewangelie staet bescreven: So wie die
viant ledich vint, die vindt hi bereet om te becoerne ten zonden. So wie
werdelike vasten sal, hi moet scuwen iiii dinghen.
Eerst hi moet scuwen alle zonden. Want so wie vast van lichaemliker
spisen ende niet en vast zonden, hi es ghelijc den viant uter
hellen die nemmermeer en et, nochtan gheen tijt wel en doet.
Anderwerf hi moet scuwen den lof enten prijs van creatueren. Want
so wie vast ende daer in soect den prijs vanden lieden, hi maect van
eenen viande ii viande. Want ierst hadde hi eenen viant, dat was sijn
vleesch, dat hi meende te verwinnene met vastene, maer dat hire af wille
geprijst sijn, so voedt hire twee, dats den viant uter hellen ende die
werelt.
Derdewerf, die wel vasten sal, hi moet scuwen die profite van siere
borse. Want so wie te eer vast om dat hi sparen sal ende sijn goet te min
verteren sal, of die te eer wullen gaet om dat hi een cleet te min versliten
sal, hi es ghelijc den ghenen diet verspaert uut siere mont ende ghevet
den viant vander hellen in sinen mont. Hier bi die vasten, sal dat
gode ontfanclijc sijn sal, hi es sculdich den ermen also vele te ghevene
als hi in dat vasten of in dat wullen gaen verspaert, of anders aelmoesene
te doene na sinen staet. Want sente Augustijn seget: Die vast of
K 1348/9 Mat. 12:44-45 1352 van] B G 1479, om. W
[F2]
17ra