Download pdf - Textualscholarship.nl

180 Het Wiesbadense handschrift folio 13rb-14r
1288
1292
1296
1300
1304
1308
1312
1316
1320
heere seghet in de selve ewangelie: Die eenen ermen geeft eenen kelc
waters in sinen name, hi en sal sinen loen niet verliesen.
Dander es dat wi merken van wies goede die erme die almoesene
heescht. Want hine heescht niet van | [van] onsen goede, maer vanden
goede gods. Want also ons dewangelie staet bewijst, god heeft
ons sijn goet van eerderike gheleent om dat wi ghetrouwe dispenserers
ende deelres souden sijn daer af ende niet besitters met herten, also ons
die souter leeret, maer alleene *usereirs van buiten.
Terde es als wi merken waer omme ons de erme inden name van
gode die aelmoesene heescht. Want god en heescht niet om van ons
ghegeven te hebbene maer om gheleent te hebbene, want niet alleene
en sal hijt ons gheven eenvout weder, maer also in dewangelie ons staet
beloeft, wi sullent weder ontfaen hondertfout ende dat ewelike leven
daer over besitten. Maer lacen, vele liede sijn so ghierich dat si tgoet
dies si ghenoech hebben te harer noet, den ermen lieden gods scalkelike
ende swaerlike ter verdoemenissen van harer sielen onthouden,
ende nochtan willen milde heeten om dies wille dat si haer goet overtollichlike
verdoen in die hoverdichede der werelt of in die ghenoechte
vanden lichame.
Ende inder waerheit, dit en mach gheene miltheit heeten maer overdaet,
want si en deelen dat goet niet dat gods es met maten alsoet behoeft,
maer si verliesent hier bi. So wete elc dat men in drie manieren
mach verliesen goet. Eerst alsmen enen sunderlingen dranc ghiet in i
vat dat vol es: dan loept hi over ende wort verloren. Anderwerf, alsmen
dien precieusen dranc doet in i vat dat vuul es: dan wort hi ghecorrumpeert
ende quaet. Derdewerf, alsmen iet goeds gheeft om niet
of om i onwert dinc.
In dese iii manieren so verliest die overtollighe sijn goet. Als hijt
gheeft riken lieden, om dat si hem weder also vele gheven sullen of
meer, dan so verliest hijt als of hijt werpe in i vat vol waters. Alse hijt
gheeft speellieden of ghokelers of hyrauden, also die heeren heden sdages
vele doen of anderen sulken lieden, daer hise | mede voedt in haer
ydelhede ende in hare zonden, dan verliest die overtollige recht sijn
goet als of hijt worpe in een vul vat. Ende als hijt gheeft te playsdanke
B 1287/8 Mat 10:42 1291/3 Luc. 12:41-48 1293/4 cf. Ps. 61(62):11 1298/1300 Mar. 10:30
13va
13vb
K 1290 van] B G 1479, van add. W 1291 in] B G 1479, om. W 1294 usereirs] B G 1479, verseerers W
V 1294 usereirs: ‘gebruikers’. Het woord komt niet in MNW voor. Verwant aan useren: ‘gebruiken, aanwenden’.
De usereirs van buten staan tegenover de besitters met herten. 1317 hyrauden (hyraut):
‘speellieden, muzikanten’ 1320 playsdanke: ‘vreugde, genot’, cf. MNW Suppl.: plasance, playsanc