Download pdf - Textualscholarship.nl

178 Het Wiesbadense handschrift folio 12vb-13rb
1220
1224
1228
1232
1236
1240
1244
1248
1252
ghierige, want si niet en willen aldus, maer si willen hebben coren ende
broet ende ander goet van vele jaren. Ende dat en willen si niet dat ander
liede hebben, maer si willent hebben alleene, om dat si thare te
dierre vercopen souden. Dese ghiereghe sluiten ander lieden dat goet
gods vore, ende daer bi eest recht dat si niet en besitten dat rike gods.
Also in dewangelie bescreven staet, hets onmogelijc dat die rike vre cke
comen souden in dat rike gods.
Die vijfte bedinge es om verlatenisse der zonden ‘dat ons god onse
zonden vergheve, also wi vergheven den ghenen die ons misdaen hebben’.
Hier sijn uteghesloten die nidege, die willen jeghen die gherechtichede
goods. Want si willen hebben vergheven, ende si en willen niet
vergheven selve; si willen wel | hebben tgoede van gode, ende si en willen
niet goet sijn selve.
Die seste bedinge es dat wi gode bidden dat hi ons voerhoede met
sier heiliger gracien, dat wi gheen consent en dragen te zonden als wire
toe becoert worden vanden viant, vander werelt of vanden vleesce,
want sonder die gratie gods en mogen wi dese becoringe vanden zonden
niet wederstaen.
Entie sevende bedinge die wi daer gode bidden, es ‘dat hi ons van allen
quade bescerme’. Dats te verstane niet alleene van zonden ende van
al daer die sonden uut spruiten mogen – daer vore af ghebeden staet in
die vijfte of in die seste bedinghe – maer oec mede vander scult vanden
zonden, ende vander penitencien daer die mensce bider gherechtichede
goods in verbonden es te doene, in eerderike met vele dogens, of in
die purgatorie met dien swaren viere, de welke hi niet te vollen nemmermeer
verghelden en mach, verlaetse hem niet die ontfermicheit
gods alleene. ‘Amen’, dats te seggene, dat moete also zijn.
Van aelmoesenen
Die andere medecine die de priester set dats aelmoesene als jeghen de
sonden van ghiericheden. Hier omme es elc wel sculdich te wetene hoe
hi dese almoesene sculdich es te doene, ende dit leget te weten in vi
puynten.
Ierst, die aelmoesene gheven sal die gode ontfanclijc sijn sal, hi
moetse gheven ghereet ende blidelike. Want men seget: Die ghereet
gheeft, hi gheeft tweewerf. Ende sente Paulus seit: Den milden ghevere
mint god. Want men es den ermen niet sculdich te versmadene of
die aelmoesene te suere te makene ende te seggene: Comt morgen.
B 1224/5 cf. Mar. 10:25 1232/4 cf. Mat. 6:13 1253/4 2 Kor. 9:7
V 1228 willen, zelfst. ww. intr. ‘de eigen wil volgen’; in deze betekenis niet in MNW
13ra